Nos Stephanus Kwhinger de Bathyna Comes et Judices Nobilium Comitatus Waradiensis damus pro memoria, quod cum iuxta continenciam aliarum litterarum nostrarum fassionalium Magister Johannes Mensewrewter de Pakenstayn, Spectabilis et Magnifici domini Hermanni Cilie Zagorieque Comitis et Regni Sclauonie Bani Cancellarius ab vna, item Benedictus filius Pauli de Komor ab alia partibus, die Dominico proximo post festum Symonis et Jude Apostolorum proxime preteritum octo probos et nobiles viros per ipsos equaliter eligendos ad faciem possessionis Komor adducere, eosdemque pro ordinacione et composicione cause inter eosdem Magistrum Johannem Cancellarium et Benedictum pretextu possessionis Komor, nec nou Podchernytha, Martyndol, Bukowech, Zenow, Ladizlauche, Slatar, Belynch et Nazenyna vocatarum in dicto Comitatu Warosdiensi habitarum, et pertinenciarum earundem, per eundem Magistrum Johannem a Regia Maiestate sub nomine juris Regij impetratarum, mote et habite consederi facere debuissent stb.; tandem Egregius vir Johannes Toth de Zomzedwar, Hermannus de Greben, Magister Michael de Rawen Sedis Crisyensis Prothonotarius, et Paulus de Jarna prefati domini Hermanni Cilie Comitis Notarius, Georgius filius Herk de Zayezda, Mathko de Mathew, et discretus vir dominus Ladislaus Plebanus de Zuhadal, ac Emericus dictus Koz de Nespessa arbitri parcium prescriptarum coram nobis constituti voce consona taliter recitarunt, quod ipsi in predicto die Dominico proximo post festum Beatorum Symonis et Jude Apostolorum ad faciem possessionis Komor accedendo stb. (János mester Zsigmond királynak adománylevelét felmutatta, kiadva „Tyrnauie in Dominica Letare proxime preterita” stb.) Demum prefatus Benedictus filius Pauli litteras olim domini Bele Regis quarti priuilegiales dupplici sigillo suo vallatas anno Domini millesimo ducentesimo sexagesimo septimo, Regni autem sui tricesimo primo emanatas coram eisdem octo probis et nobilibus viris exhibuisset, declarantes, quod prefatus dominus Bela Rex, considerans dilectum et fidelem suum Magistrum Thomam aule sue Notarium specialem, et Johannem fratrem eiusdem in domo sua educatos, et a juuentutis ipsorum primordijs locupletatos, virtutibus et fidelibus meritis, non inmerito ipsorum iustis desiderijs et peticionibus volens fauorem beniuolum impertiri; cum itaque ijdem Magister Thomas et Johannes frater eiusdem quandam terram Castri sui Warosdiensis Komor vocatam in Zagoria existentem, certis metis ab omnibus alijs terris eiusdem Castri separatam et distinctam, ab ipso domino Bela Rege sibi dari petiuissent, ipseque dominus Bela Rex attendens eosdem in eorum iustis desiderijs fauore Regis prosequendos, dilecto et fideli suo Magistro Johanni Comiti Warosdiensi dedisset in preceptis, vt ipse dictam terram inspiceret, et ipsius quantitatem et qualitatem sibi fideli insinuacione declararet; tandem ipse Bela Rex per ipsum Magistrum Johannem super quantitate et qualitate dicte terre fuisset informatus, quod ipsa terra sit sufficiens quindecim aratris, et quod vinec, silue et pratum sint in eadem; quibus sic habitis peticionem ipsius Magistri Thome et Johannis fratris eiusdem iustam fore agnoscens, dictam terram, quam pecierat, ex certa sua sciencia ab omni onere et jurisdiccione Comitis pro tempore constituti exemptam, sibi et fratribus suis, Johanni scilicet, Cristoforo, Paulo et Stephano, ac ipsorum heredibus, sub eisdem metis antiquis et terminis, quibus dictum Castrum tenuisset et possedisset, dedisset, contulisset perpetuo et irreuocabiliter possidendam; ad ipsiusque terre possessionem corporalem prefatos Magistrum Thomam et fratres suos per Johannem Magistrum Thauernicorum Bele Ducis tocius Sclauonie carissimi filij sui, et Comitem Warosdiensem fecisset introduci stb. (Ezeknek folytán) ijdem arbitri prefatum Benedictum filium Pauli circa quindecim aratra terre in ipsa donacione memorati Bele Regis contenta plenum jus habere agnoscentes, et eidem in predicta possessione Komor ac eius pertinencijs terras arabiles ad dicta quindecim aratra, vnacum rubetis, siluis, pratis et vineis, nec non locis sessionalibus et ortis insimul mensurando extradari ac in perpetuum relinqui; residue autem terre, silue, vinee et prata, nec non sessionales jobagiones, si que vltra prescripta quindecim aratra in prescripta possessione Komor et eius pertinencijs remanerent, eidem Magistro Johanni in perpetuum remitti et relinqui debere, ipsis arbitris usium est. Sed quia eis in eo, vt si prescripta quidem aratra Regali aut vsuali mensura mediante prefato Benedicto extradari deberent, plena non constitisset certitudo veritatis; pro eo ipsi arbitri parcium discussionem huius, cum quali scilicet mensura Regali aut vsuali premissa quindecim aratra deberent mensurari, deliberacioni Judicis Curie Regie submisissent stb. stb. Datum in Varosd tercio die termini prenotati anno Domini millesimo quadringentesimo tricesimo primo.

(Zsigmond királynak 1435. VIII. kalendas Julij kelt priuilegiumából. Megjegyzendő, hogy Palóczi Mátyus országbíró az ennek folytán hozzá felterjesztett kétségre nézve 1431. „Buda quadragesimo die octauarum festi Beati Georgij martiris” - - „vna cum Regni nobilibus nobiscum in judicio existentibus” azt itélte: „prescriptam arbitratiuam disposocionem dictorum octo proborum et nobilium virorum inter ipsas partes modo quo supra factam, approbantes et ratificantes, prelibatam terram ad quindecim aratra sufficientem eidem Benedicto non cum Regali, sed vsuali mensura extradari et mensurari debere.” - A budai kir. kamarai levéltárban.)