Stephanus Dei gracia junior Rex Hungarie, Dux Transsyluanus omnibus Christi fidelibus presentes litteras inspecturis salutem in omnium saluatore. Circumspeccio Regum prouida condignis premiis sibi obsequentibus sic debet occurrere, vt alii eorum exemplo prouocati, ad fidelitatis opera forcius accendantur. Proinde ad vniuersorum noticiam harum serie volumus peruenire; quod nos attendentes fidelitates, et seruiciorum merita fidelium nostrorum Magistri Pows, et Dominici fratris eiusdem; specialiter tamen ipsius Magistri Pows, que nobis in castro Fekethewyg existentibus exhibuit fideliter et deuote; ita videlicet, quod cum Laurencius filius Kemini expugnaret contra nos dictum castrum, ipse idem Magister Pows de castro quam plures de nostris precurrens contra hostium nostrorum multitudinem viriliter dimicauit. Porro cum consequenter cum ipso Laurencio, et cum omni exercitu patris nostri contra nos vsque ad dictum castrum destinato, collectis viribus nostris conflictum ibidem haberemus, multa fidelitatis opera exhibuit laudedigna. Ceterum cum permittente Domino de castro predicto ad partes Danubiales direxissemus gressus nostros, idem ipse Magister Pows in conflictu, quem in Irsuazeg contra generalem exercitum predicti patris nostri habuimus, hostium cuneos intrepidus penetrando, multis per eundem interemptis, Johannem filium Herrici Palatini ad nos captiuatum adduxit. Nos siquidem in reconpensacionem tot et tantorum seruiciorum eiusdem, quamquam pro modico reputemus, que in presenti agimus, respectu horum, que facere intendimus; quandam terram Enezca vocatam, sitam inter villam Cassa et villam Styna, quam fluwius Crismend pertransit, que fuit terra Izrad iobagionis castri Abawyuar sine herede decedentis; quam eciam, cum ad manus nostras fuisset deuoluta, Johanni medico nostro dederamus, et ipso mortuo Stephano filio Thekus contuleramus, a quo propter notam infidelitatis aufferendo, ipsi Magistro Pows et Dominico fratri eiusdem, seu heredibus eorundem dedimus, donauimus et contulimus, iure perpetuo, et irreuocabiliter possidendam, de plenitudine gracie Regie Maiestatis. Nec hoc pretermittimus, quod cum Petrus cum suis proximis Martino, Dragus, Ambrosio, et Ibrahimo ipsum Magistrum Pows super ipsa terra racione cognacionis dicti Izrad inhibuisset, tandem ijdem coram nobis personaliter constituti, predictam terram ipsi Magistro Pows et Dominico fratri eiusdem, ac corum heredibus relinquerent tenendam pacifice et quiete. Cuius terre mete, prout in litteris Conuentus de Jazow vidimus contineri, et Cheghe homine nostro viua voce nobis referentibus didicimus; hoc ordine distinguntur: Prima meta incipit in vno monticulo a parti septemtrionali, ibi sunt due mete; et inde tendit directe ad meridiem, ubi sunt tres mete iuxta magnam viam; et per eandem vadit versus meridiem, vbi sunt tres mete, que separant a Magistro Gurk; deinde tendit versus meridiem, vbi sunt quatuor mete, que separant a Theodoro, et Gallo de Chou; posthec tendunt ad meridiem, et perducunt ad locum, in quo sunt tres mete, que separant a predictis Theodoro, et Gallo; posthec vertitur ad occidentem, et pertransit viam magnam, iuxta quam sunt tres mete, que separant a filio Dominici; inde uadit superius ad occidentem, vbi sunt tres mete, que separant a nobilibus de Sokol; abinde progreditur versus septemtrionem, et perducit ad locum, vbi sunt tres mete iuxta magnam viam, et per eandem tendit ad partem septemtrionalem, et parum procedens exit de ea, et peruenit ad locum, ubi sunt tres mete; et inde ad locum, vbi sunt iterum tres mete; deinde autem vadit ad statuam lapideam, que dicitur balwankew, ubi sunt tres mete; deinde uergitur ad septemtrionem prope ad centum arbores, uvi sunt tres mete; et inde tendunt ad septemtrionalem partem, ad metas capitales, deinde directe procedunt versus occidentem, et perducunt ad riuulum, qui dicitur Egruspathaka, ubi sunt tres mete, que disterminant cum Comite Marhardo; et inde directe vadit ad septemtrionem, vbi sunt quatuor mete, que separant ab antedicto Marhardo Comite, adjungentes ad terminos Gregorij; et inde directe vadit ad septemtrionem vsque ad magnam viam penes terminos Anthonij, et in via eadem parum progrediens, exit de ipsa via versus orientem ad locum, ubi sunt tres mete, que separant a Magistro Gywrk; et inde quasi inter orientem et meridiem peruenit ad locum, ubi sunt quatuor mete; et inde per magnum spacium progrediens exit ad campum, ubi sunt tres mete; et inde directe vadit ad meridiem, iuxta viam sunt tres mete; et inde tendit ad orientem, peruenit ad riuulum, et transiens ipsum tendit directe ad orientem, villis Enezka relictis peruenit ad duas metas in monte uno; et inde descendens tendit iterum ad monticulum priorem, et sic terminantur. Vt igitur hec a nobis facta donacio robur obtineat perpetue firmitatis, nec processu temporum per quempiam in irritum valeat reuocari, presentes concessimus litteras eisdem dupplicis sigilli nostri munimine roboratas. Datum per manus Magistri Petri, dilecti et fidelis nostri, aule nostre Vice-Cancellarij, anno Domini millesimo ducentesimo sexagesimo septimo.

(Ugyan V. István királynak 1272-ki megerősítő privilegiumából, a szepesi káptalan levéltárában. Közli Horváth Mihály.)