Nos Benedictus Palatinus Judex Curie domini Regis Stephany memorie commendantes significamus vniuersis, quod Dyonisyus filius Bvden ab vna parte H - - , Gallus pro se, Tyuederio et Petro ac alijs cognatis suis ex altera coram nobis constituti; idem Dyonisius pro bono pacis et concordie renunciauit terre Chon sibi a domino Rege collate, ut dicebat, et terre Gono uocate, et omni accioni ac iury, quod ex eisdem terris eidem competebat contra predictos, uel competere uidebatur, et quod easdem terras nec per donacionem Regiam, nec modo alio uellet rehabere contra - - et Gallum ac alios cognatos eorundem, uelud (így) eciam idem Dyonysius, quod omnes littere sue super terris prenotatis obtente contra predictos essent penitus irrite et inanes. E conuerso - - et Gallus predicti omnes illas litteras, quas super iudicijs tantum in facto terrarum predictarum et destruccionis illate per Dyonisium supradictum habuerunt contra ipsum Dyonisyum, similiter uoluerunt esse penitus cassas. Obligauerunt insuper se partes presencium auctoritate, quod quecunque parcium premissis litteris contra partem alteram uellet uti, deberet pro falsario remanere. Adiungimus eciam, quod idem Dyonisius iudicem et pristaldum super uerberacione sua placare tenebitur. Datum in Potok feria tercia proxima ante festum Thome Apostoli anno Domini M°CC°LX° octauo.

(Eredetie bőrhártyán, a pecsét elveszett, a Bárczai család levéltárában.)