Anno Domini millesimo ducentesimo sexagesimo octavo, Indictione undecima, die nono exeunte Augusti, Arbi. Temporibus equidem domini nostri Laurentii Teupolo Inclyti Ducis Venetarum etc. venerabilis Gregorii de Costizza Arbensi Episcopi, et Marci Badoarij Egregii Comitis; presentibus Georgio quondam Simonis, et Johanne Nicole. Cum vos, pater venerabilis Gregorius Dei gratia Episcopus supradictus, tam per vos, quam vestri Capituli vniuersitatem, decimas non consuetas territoriorum Comunis Arbensis requisieritis dudum, tandemque Rectores Ciuitatis, et ejusdem Consilium sub interdicto ponentes, hoc est priuantes audientia celebracionis Diuine; unde nos Creste de - - - - ac Judices, Hermolaus Matthei, Martinusius de Sloviga, et Stephanus de - - - seu Arbense Consilium, et Communitas universa, sentientes nos exinde indebite aggravatos; tamen veluti devoti filii Sancte Matris Ecclesie, qui Patris indebite indiguantis - - - sustinent, ob Diuinam reuerentiam patienter sustinuimus, pro firmo credentes, quod nostra mansuetudine filiali, in dicta petitione, et gravaminibus - - - - satis indebite contra nos factis desistere deberetis; cum satis congruis et honestis defensionibus usi fuerimus in hac parte, dicentes: Eligantur presbyteri et fideles viri, tam clerici, quam laici, omni fide dignissimi, qui hanc questionem debito fine definiant, et ut circumstantium finitimorum Dalmatinorum tam Communitatum, quam nobilium aliorum super hoc determinatio requiretur. Unde cum nostras defensiones supradictas et alias plures satis idoneas admittere non curavistis in hac parto pro satisfacto; nihilominus - - - nosque ob hoc tamquam innoxij incommode aggravati, ab omni gravamine per vos facto et faciendo, a vobis - - - suspecto judice remoti, audientiam venerabilis patris Gradensis Patriarche, Dalmatieque Primatis - - - - in scriptis petimus. Ego Martinusius de Sloviga Judex ac Examinator manu mea. Ego Marinus - - - - Arbensis Notarius, scripsi, complevi, et roboravi, et consueto signo signavi.

(Farlati, Illyricum Sacrum V. köt. 243. l.)