Nos Sigismundus stb., quod cum ob contradictoriam inhibicionem statucionis possessionum Wyzkeleth, Taxond et Porloch vocatarum in Comitatu Posoniensi existencium Magister Stephanus filius Gregorij de Berench Johannem filium Beke de Kwrth, et Jacobum filium Michaelis de Kys-Kwrth modum et formam legitime euocacionis obseruando per nostrum et Capituli Posoniensis homines contra se ad certum terminum nostram specialem in Presenciam in causam attraxisset stb. (a határnap előbb „ad octauas festi B. Michaelis Archangeli” 1408.; s később ismételve és ismételve kiterjesztetett; végre pedig „ad presentes octauas festi Beati Georgij martiris” kihúzatván stb.) Johannes et Jacobus personaliter in nostram exurgendo presenciam, quasdam nouem litteras, vnam dominorum Ladizlai, ac duas Lodouici Regum stb. nobis curauit demonstrari. Quarum prima dicti domini Lodouici Regis priuilegialis littera anno Domini millesimo CCC° quinquagesimo septimo tredecimo kalendas Aprilis stb. emanata transscribens et confirmans seriem et continenciam litterarum olim domini Bele Regis anno Verbi Incarnati millesimo CC. sexagesimo nono editarum denotabat, quod Iwanka et Stephanus filij Leek jobagiones Castri Posoniensis ad ipsius domini Bele Regis accedentes presenciam petiuissent ab eodem cum instancia, vt cum ipsi terram ad vsum suum sufficientem non haberent, eis de terra Castri sui Posoniensis Taxond vocata terram quinque aratrorum dare et confere ex magnificencia Regia dignaretur; ipse igitur dominus Bela Rex, consideratis fidelitatibus ipsorum, que sibi prefati Iwanka et Stephanus in diuersis locis et temporibus exhibuissent, Stephano Comiti suo Posoniensi dedisset in mandatis, vt ipse de predicta terra Castri Posoniensis eisdem Iwanka et Stephano terram quinque aratrorum assignaret. Qui quidem Comes Stephanus mandatis ipsius domini Bele Regis obtemperans, prout eidem domino Regi rescripsisset, de predicta terra Toxand terram quinque aratrorum eidem Iwanka Comiti sub metis in eisdem litteris expressatis statuisset sibi et suis heredibus perpetuo possidendam stb. Datum Bude quadragesimo die octauarum festi Beati Georgij martiris anno Domini millesimo quadringentesimo vndecimo.

(Eredetie bőrhártyán, a királynak hátúl oda nyomott pecsétje alatt, a budai kir. kamarai levéltárban.)