Capitulum Ecclesie Geuryensis omnibus Christi fidelibus presencium noticiam inspecturis salutem in Domino sempiternam. Nouerit Vniuersitas vestra, quod nobilis vir Alexander filius Comitis Farkasij de Puk ab vna parte; Hugud filius eiusdem Farkasij ex altera coram nobis personaliter constituti, recitatum et propositum extitit per eosdem viua voce, quod propter bonum pacis inter ipsos perpetuo habende, in possessionibus et possessionarijs porcionibus ipsorum communiter ipsos contingentibus, talem inter se fecissent et ordinassent diuisionem: quod primo omnium possessio Gormath et Raba in Comitatu Jauriensi cum omnibus vtilitatibus suis et pertinencijs cessisset et deuenisset Alexandro filio Farkasij heredum per heredes possidenda; alia vero possessio Sadar vocata in Comitatu Albensi, cum molendino sito in fluuio Peyth, quam emerant a Comite Martino filio Gregorij de Azar, cum omnibus vtilitatibus suis, predicto Vgud filio Farkasij heredum per heredes possidenda deuenisset. Ceterum possessionem Balun dictam in Comitatu Posoniensi eidem Alexandro deuenisset; alia vero possessio Isay vocata in Comitatu Wesprimiensi cum molendino situm in Tapolcha, cessisset et deuenisset Vgud filio eiusdem Farkasij, Locum vero sessionalem Pakus ipsorum in possessione Puk habitum non diuiserunt, sed communiter commiserunt possidere. In ciuius rei testimonium perpetuum presentes dedimus litteras sigilli nostri munimine roboratas; anno Domini M°CC°LX° nono; Chepan Preposito, Jurhkone Cantore, Hectore Custode existentibus.

(A győri káptalannak 1279-ki átiratából a budai kir. kamarai levéltárban.)