Nos Capitulum Nitriensis Ecclesie damus pro memoria, quod nobilis uir Buken filius Buken coram nobis constitutus quandam possessionem suam Moyteh uocatam totam cum omnibus pertinencijs et utilitatibus suis vsque medium quadragesimo nunc uenturum Comiti Andree fratri Comitis Ders, qui personaliter astitit, pro centum marcis finiti argenti ab eodem Comite Andrea, sicut asseruit, plenarie acceptis pignori obligauit; hoc adiecto, quod idem Comes A. a die obligacionis usque dictum medium quadragesimo introductus per hominem nostrum, sicut partes uoluerunt, in ipsa possessione permanebit; et si in termino redempcionis, uidelicet in medio quadragesime, refundendo ipsas centum marcas cum statera de Tirna possessionem suam idem Buken redimere non curauerit coram nobis, post medium cum pena dupli tenebitur redimere. Nichilominus idem Comes A. ipsam possessionem pro pecunia principali, et pro duplo eiusdem in pignore detinebit en eadem pacifice permanendo; et si medio tempore ipse idem Comes A. inpeditus per eundem Buken, uel per aliquem cognatorum suorum, siue inductus aliqua racione, contra eundem Buken accionem suscitaret, et in hoc expensam faceret, in die redempcionis ipsam expensam in simplici uerbo ipsius Comitis A. refundere tenebitur, ut assumpsit. Et si idem B. eidem Comiti A. destruccionem dicte possessionis suc inponere niteretur, cum iuramento suo idem Comes A. se reddet expeditum. Nec hoc pretermissum est, quod duplum ipsarum centum marcarum soluet preter partem judicis, sicut se idem B. ad hoc personaliter obligauit. Datum sexta feria ante octauas Exaltacionis Sancte Crucis anno gracie M°CC°XL° nono.

Kívűl: Super inpignoracione possessionis Moyteh vocate pro Comite Andrea per Buken filium Buken.

(Eredetie bőrhártyán, melynek hátúl odanyomott pecsétje eltűnt, a budai kir. kamarai levéltárban.)