Datum pro memoria, quod cum Ronnaldus filius Demetrij super dote domine uxoris sue filie Nicholai de Zolovna, Eliam filium Johannis de Barcha traxit in causam coram nobis, in talem formam composicionis mediantibus probis uiris ex nostra permissione, et uoluntate utriusque partis deuenerunt: quod in die Cinerum proxime futuro prefatus E. assumpsit soluere quindecim marcas in estimacione coram discretis et honestis uiris Capitulo Ecclesie nostre Ronnoldo prenotato uice et nomine vxoris sue; et si diem solucionis sepedictus E. ommiserit, in crastino penee dupli subiacebit; pristaldum Elias iudicem similiter teneretur complacare. Datum in uilla Sarus in Concepcione Beate Virginis Marie anno Domini M°CC°LX° nono.

Kivűl: Super solucione quindecim marcarum contra Ronnaldum fratrem Demetrij.

(Eredetie bőrhártyán, a hátúl oda nyomott pecsét elveszett, a Bárczai család levéltárában.)