B. Dei gracia Rex Hungarie fidelibus suis... omnibus nobilibus de Comitatu Zaladiensi salutem et graciam. Precipimus fidelitati uestre, quatenus veritatem, quam de morte Gregorij de Ond et filij sui, ac Joance Officialis filiorum Ebed, que facta est, sicut dicitur, per Comitem Ponych et filium eiusdem, ac complices eorundem, scire et inquirere ueraciter poteritis aut eciam scitis, in fide Deo et nobis debita nobis intimetis sub sigillo Dyonisij Comitis Zaladiensis, dilecti et fidelis nostri. Datum in Lypche quarta feria post quindenas Johannis Babtiste.

Kivűlről ugyanazon kéz: Omnibus nobilibus de Comitatu Zaladiensi.

(Eredetie bőrhártyán, melyről a zárpecsét már elveszett, a nemz. Muzeum kézirattárában.)