Nos B. Dei gracia Rex Ungarie damus pro memoria, quod cum filij Comitis Ebed, Isep atque eorum cognati, in prosequenda causa, quam habent contra Ponich Comitem, diu et a multis annis fatigati sint laboribus et expensis; nos ipsorum litibus finem imponere cupientes, decreuimus, quod in octauis Natiuitatis Beate Virginis Marie, ad quem terminum tam per nuncium suum, quam per wenerabilem patrem P. Episcopum Wesprimiensem peremptorie citari fecimus secundum sentenciam wenerabilium patrum Ph. Strigoniensis et S. Colochensis Archiepiscoporum, ac Baronum nostrorum, nec non Regis Stephani contentam in eorum litteris plenam diffinicionem, siue ipse Ponich Comes compareat siue non, non obstante subterfugio seu cauillacione aliqua faciente. Datum in Lypche VI. feria ante octauas Sancti Jacobi Apostoli.

(Eredeteti bőrhártyán a nemz. Muzeum kézirattárában.)