B. Dei gracia Rex Hungarie fidelibus suis vniuersis Parochialibus Comitibus, villicis et alijs judicibus, quibus presentes hostendentur, salutem et graciam. Cum nos vnacum Baronibus nostris omnes possessiones Ponych filij Arnoldi propter manifestam calumpnie notam, de qua idem coram nobis et Baronibus nostris contra Kemynum, Reynaldum et Jak filios Ebed connictus extitit, adiudicauerimus predictis filijs Ebed et alijs aduersarijs eiusdem Ponyc perpetuo possidendas; sicut in priuilegio nostro super hoc confecto continetur; et decreuerimus per fora et ciuitates Regni nostri publice proclamari debere, ut ubicumque idem Ponych inuentus uel deprehensus fuerit, ad curiam nostram deducatum ad imponendum eidem caracterem, qui manifestis calumpniatoribus infligi consueuit; fidelitati uestre mandantes precipimus, quatenus receptis presentibus per ciuitates, villas et fora uestra predictam sentencie nostre formam faciatis publice proclamari; nec aliquis uestrum huiusmodi proclamacionem faciendam presumat aliquatenus impedire. Datum in Lureu in festo Beati Michaelis Archangeli.

(Eredetie bőrhártyán, melynek hátúl oda nyomott pecsét lehullott, a nemz. Muzeum kézirattárában.)