Excellentissimo domino suo B. Dei gracia Illustri Regi Hungarie Magister Martinus de Baraty inclinacionem, se et sua, et cum omni fidelitate famulatum. Vestre Serenitatis Excellencie sicut recepimus in mandatis, ut irem una cum uenerabili patre F. Abbate Sancti Martini ad circuendas metas terre Pauli et Thome de uilla Gevd ex una parte, et Iuancam et Chepanam (így) ex altera omni occasione postposita circuiui diligenter, et sicut in priuilegijs dictorum P. et Th. continebantur mete illius terre, sie fuerunt site et illese. Vnde Uestre Magnitudinis Excellencie mera fidelitate notum facio existente, quod predicta terra continet uel ducenta iugera, uel parum plus uidetur continere, et sicut a gloriosissimo Rege patre uestro felicissime memorie suis priuilegijs tenuerunt quietas, et pacifice possederunt.

Kívűl: Excellentessimo domino suo Illustri B. Dei gracia Regi Hungarie.

(Eredetie bőrhártyán, melynek hátúl oda nyomott pecsétje csak töredékben megvan, a budai kir. kamarai levéltárban.)