Stephanus Dei gracia junior Rex Vngarie, Dux Transsiluanus, Dominus Cumanorum omnibus Christi fidelibus presens scriptum inspecturis salutem in omnium saluatore. Ad uniuersorum noticiam harum serie uolumus peruenire, quod cum Laurencius - - - - - - - - s bone memorie incipiendo de portu Dominici Comitis, Johannis et Marci fratrum suorum Futog uocato pro trahendis nauibus eorum in Danubio superius uiam, que - - - - - - - - m Laurencium Woyuodam in causam traxissent eorum karissimo patre nostro, predictus Laurencius Woyuoda, prout in litteris karissimi patris nostri super ipso facto - - - - - - - - a contencio erat pro tratu (így) seu trahendis nauibus, predictis Dominico Comiti, Johanni et Marco fratribus suis ac eorum heredibus heredumque - - - - - - am omni liti et accioni renunciando, ita quod ulterius nec ipse idem Laurencius Woyuoda, nec sui heredes, nec aliquis de cognatis - - - - - - m questionem mouere super uia supradicta; post mortem uero predicti Laurencij Woyuode Lauerncius filius suus, Johannem - - - - - - - e uoluisset, prefati Johannes et Marcus ipsum Laurencium in nostram presenciam conuenerunt. Nos itaque vna cum Baronibus nostris - - - - - - - Johannes et Marcus ad eorum heredes sepedictam uiam pro trahendis nauibus usque quo naues eorum transire et egredi consueuerunt - - - - - - aliam partem Danubij vna cum portu eorum de Futog liberam perpetuam possint habere et securam. Nos uero sepedictam uiam predictis Johanni - - - - rum heredibus heredumque successoribus vna cum portu de Futog confirmamus in perpetuum possidendam nostrarum patrocinio litterarum. Et ut omnis materia questionis amodo super ipsa uia sopiatur, et contencio ulterius locum habere non possit, nec per quempiam aliqua rixa oriri possit inposterum, predictis Johanni et Marco ac eorum posteris presentes concessimus litteras duplicis sigilli nostri munimine roboratas. Datum per manus Magistri Petri, dilecti et fidelis nostri, aule nostre Vice-Cancellarij; anno Domini millesimo ducentesimo septuagesimo.

(Eredetie bőrhártyán, igen tisztán írva, s a 9 sorra terjedő kirágadt hézagon kivűl igen jól megtartva, melyről a pecsét töredéke zöld selyemzsinóron függ; a mélt. gr. Hadik család levéltárában.)