Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus tam presentibus quam futuris presentem paginam inspecturis salutem in omnium saluatore. Ad uniuersorum noticium harum serie uolumus peruenire, quoe cum post adeptum tocius Regni Hungarie annuente Domino gubernaculum, peragratis quibusdam partibus Regni nostri, ad alias uero propter iurium Regalium reformacionem iudicibus transmissis, ad Castrum Ferreum uenissemus, in congregacione, quam ibidem de nobilibus jobagionibus Castri, castrensibus, et alijs incolis eiusdem Prouincie, facta primitus proclamacione, preceperamus conuocari; populi Castri Ferrei de uilla Temerd ad nostram accedentes presenciam nobis conquerendo significare curauerunt, quod Magister Petrus Notarius Henrici Bani quandam partem terre eorum ad duo aratra sufficientem, non sine ipsorum graui dispendio, occupando detineret; et petiuerunt a nobis, ut dictam terram ab eodem Magistro Petro reuocando, ipsis iusticiam faceremus. Cum itaque tam super hoc, quam super alijs iuribus Castri eiusdem reuocandis Gregorium Magistrum Tauarnicorum domine Regine consortis nostre karissime - - - - Castri Ferrei, Bartholomeum filium Jacobi de genere Jak, et Magistrum Michaelem Notarium aule nostre deputassemus iudices seu inquisitores ueritatis; tandem idem Magister Gregorius nobis retulit uiua uoce, quod licet tempore introitus sui ad Comitatum supradictum predicti populi Castri de eadem uilla Temerd eidem Magistro Petro opposuissent se pro terra antedicta, idem tamen Magister Petrus iusticiam suam declarasset, exhibendo priuilegium domini Bele Regis karissimi patris nostri, quod non per uiolenciam, uel indebite terram eandem possideret, sed idem dominus Rex sibi contulerit, prout in eodem priuilegio plenius continetur; et sic ipse Magister Gregorius tenore eiusdem priuilegij inspecto, eidem Magistro Petro possidendam reliquisset terram illam propter utilitatus suas in priuilegio prenotato expressas, prout eciam hoc idem tenor litterarum eiusdem Magistri Gregorij super hoc specialiter emanatarum manifestius representat. Nos itaque id, quod per predictum karissimum patrem nostrum circa collacionem terre memorata ipsi Magistro Petro factum est, et postmodum per eundem Magistrum Gregorium ordinatum, considerata probitate dicti Magistri Petri ratum habentes, ex certa sciencia confirmamus; volentes quod tam idem Magister Petrus, quam eius heredes heredumque suorum in posterum successores, prenotatam terram duorum aratrorum sine inquietaciona jobagionum et populorum Castri predicti, quibus super hoc silencium perpetuum imposuimus, perpetuo pacifice possidere valeant et habere. In ciuius rei memoriam firmitatemque perpetuam presentes concessimus litteras duplicis sigilli nostri munimine roboratas. Datum per manus Magistri Benedicti Orodiensis Ecclesie Prepositi, aule nostre Vice-Cancellarij, dilecti et fidelis nostri; anno Domini M°CC° septuagesimo, Regni autem nostri anno primo.

(Eredetie bőrhártyán, melynek függő pecsétje elveszett, a budai kir. kamarai levéltárban.)