Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in salutis largitore. Ad uniuersorum noticiam harum serie uolumus peruenire, quod religiosi uiri Abbas et fratres Ordinis Cysterciensis de Monte Sancte Marie ad nostram accedentes presenciam obtulerunt nobis priuilegium pie recordacionis Andree Illustris Regis Hungarie aui nostri super libertatibus populorum et quibusdam donacionibus dicto Monasterio factis confectum, petentes cum instancia, ut idem ratum habere et nostro dignaremur priuilegio confirmare. Cuius quidem priuilegij tenor talis est:

In nomine Sancte Trinitatis et Indiuidue Unitatis. Andreas stb., quod Bors Comes Dominici Bani filius stb. (l. Fejér Cod. Dipl. III. köt. 2. r. 189. l.)

Nos igitur peticionem eorundem honestam et salubrem attendentes, volentesque tenorem eiusdem priuilegij, libertatesque seu donaciones annotatas in eodem perpetuo incommutabiliter obseruari, predictum priuilegium de uerbo ad uerbum presentibus inseri fecimus duplicis sigilli nostri munimine roborando. Datum per manus Magistri Benedicti Orodiensis Ecclesie Prepositi, aule nostra Vice-Cancellarij, dilecti et fidelis nostri, anno Domini M°CC° septuagesimo, XIIII. kalendas Augusti, Regni autem nostri anno primo.

(Eredetie bőrhártyán, melynek barna selyemzsinóron függött pecsétje elveszett, a budai kir. kamarai levéltárban.)