Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, omnibus Christi fidelibus, presens scriptum inspecturis, salutem in eo, qui Regibus dat salutem. Proinde ad uniuersorum noticiam harum serie uolumus peruenire, quod hospites ville nostre de Hybe accedentes ad nostram personalem presenciam exhibuerunt nobis priuilegium domini Bele Dei gracia inclyti Regis Hungarie patris nostri karissimi beate memorie super liberalitate ipsorum confectum, petentes a nobis humiliter et deuote suplicantes, ut ipsum priuilegium ratum habere et nostro dignaremur priuilegio confirmare. Cujus tenor talis est:

Bela D. gr. Hungarie stb. Rex stb. (következik IV. Béla királynak 1265-ki privilegiumából, mint fentebb 88. sz. a.)

Nos igitur iustis peticionibus eorundem hospitum de Hybe liberaliter inclinati, ipsum priuilegium patris nostri non abrasum, non cancellatum, nec uiciatum, de verbo ad verbum presentibus inscriptum, presentis priuilegij patrocinio duximus confirmandum. In cuius rei memoriam et perpetuam firmitatem, presentes concessimus litteras, dupplicis sigilli nostri munimine roboratas. Datum per manus discreti viri Magistri Benedicti Orodiensis Ecclesie Prepositi, aule nostre Vice-Cancellarij, dilecti et fidelis nostri, anno Domini millesimo ducentesimo septuagesimo, Regni autem nostri anno primo.

(IV. László királynak 1285-ki megerősítő privilegiumából.)