(S)tephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus tam presentibus quam futuris salutem in salutis largitore. Ad Regiam pertinet Mayestatem precibus condescendere subditorum, ut numerus fidelium augeatur, et Regalis potencia lacius extendatur; cum Regibus sit proprium in multitudine populi gloriari. Hinc est, quod vniuersorum noticie harum serie volumus declarare, quod Nycholaus filius Pauli de genere Beych ad nostram accedens presenciam, exhibuit nobis priuilegium Bele Regis inclite recordacionis karissimi patris nostri super castro Hrycho, et possessionibus, villis, utilitatibus et attinencijs suis confectum, petens a nobis, ut ipsum priuilegium nostro sigillo autentico dignaremur renouare, et renouatum confirmare. Cuius quidem priuilegij tenor talis est:

Bela D. gr. Hungarie stb. Rex stb. (következik IV. Béla király 1265-ki adománylevele, l. Okmánytárunk első folyamát III. köt. 81. sz. a.)

Nos itaque peticionem eiusdem Nycholay considerantes esse fore iustam, ipsum priuilegium nostro sigillo autentico roboratum duximus confirmandum. Datum per manus Magistri Benedicti Orodiensis Ecclesie Prepositi, aule nostre Vice-Cancellarij, dilecti et fidelis nostri, anno Domini M°CC° septuagesimo primo, Regni autem nostri anno secundo.

(Eredetie bőrhártyán, melyről a király pecsétje vörös-zöld selyemzsinóron függ a nemzeti Muzeum kézirattárában.)