(N)os Nycolaus Palatinus et Judex Comanorum stb., quod in congragacione nostra generali vigore litterarum Regalium proclamata vniuersitati nobilium et aliorum cuiusuis condicionis et status hominum in Nytriensi et Trinchyniensi Comitatibus existencium feria quinta proxima ante festum Omnium Sanctorum prope ciuitatum Thopolchan vocatam celebrata, Magister Merse filius Benedicti filij Merse de medio vniuersorum nobilium personaliter consurgendo proposuit co modo, quod possessio Beneuch vocata in dicto Comitatu Trincyniensi existens sua esset, et predecessorum suorum fuisset hereditaria, ac titulo iuris hereditarij ad ipsum pertineret; et ibidem exhibuit quasdam litteras patentes domini Stephani condam incliti Regis Hungarie felicis recordacionis in anno Domini M°CC° septuagesimo primo, tercia feria proxima ante festum Sancti Regis in Lypche emanatas, in quarum tenoribus comperimus euidenter, quod cum idem dominus St. Rex quandam terram Merse filij Comitis Benedicti Beneuch uocatam ab ipso recepisset, et in concambium ipsius suam terram Thorna uocatam eidem deddisset eo pacto, quod quandocunque ipsam terram Thorna pro sua utilitate ab ipso Merse auferre voluisset, in concambium ipsius terre non aliam nisi predictam terram Beneuch eidem reddere debuisset. Demum quia placuisset dicto domino St. Regi, ut ipsam terram Thorna auferendo a Merse ad predium suumde Zolum applicuisset, iam dictam Beneuch terram restituisset predicto Merse possidendam. In cuius terre corporalem possessionem eundem Mersem per E. Magistrum Thauarnicorum suorum Comitem Posoniensem dilectum et fidelem suum fecisset coram testimonio Capituli Nytriensis introduci stb. (A vizsgálat elrendeltetvén, Merse mesternek ezen egész előadása igaznak találtatott.) Datum in Thopolchan predicta quarto die congregacionis nostre memorate anno Domini M°CCC°XL. secundo.

(A szepesi káptalannak 1346. „in crastino festi Sancti Stanyzlai martiris” kelt, s „Magister Merse filius Benedicti filij Merse de Swyne” számára kiadott áriratából, a budai kir. kamarai levéltárban.)