Nos Sigismundus stb., quod cum ob contradictoriam inhibicionem statucionis possessionum Wyzkeleth, Taxond et Porloch vocatarum in Comitatu Posoniensi existencium Magister Stephanus filius Gregorij de Berench Johannem filium Beke de Kwrth, et Jacobum filium Michaelis de Kys-Kwrth, modum et formam legitime euocacionis obseruando per nostrum et Capituli Posoniensis homines contra se ad certum terminum nostram Specialem in Presenciam in causam attraxisset stb. (a határnap előbb „ad octauas festi B. Michaelis Archangeli” 1408.; s később ismételve és ismételve kiterjesztetett; végre pedig „ad presentes octauas festi Beati Georgij martiris” kihúzatván) stb. Johannes et Jacobus personaliter in nostram exurgendo presenciam, quasdam novem litteras nobis curarunt demonstrari stb. Series alterius dicti domini Lodouici Regis priuilegialis littere in anno Domini M° trecentesimo quinquagesimo septimo emanate, habentis in se seriem litterarum olim domini Stephani Regis Regnorum predictorum anno gracie M°CC° septuagesimo primo editarum specificabat, quod prefatus dominus Stephanus Rex aduertens fidelissima seruicia Nicolai filij predicti Iwanka, que sibi exhibuisset, eundem Nicolaum et suos heredes ad deuotam supplicacionem eiusdem a jobagionatu Castri Posoniensis exemisset, et in cetum et numerum liberorum seruiencium Regni sui duxisset transferendum; contulisset eciam eidem quandam possessionem Castri sui Posoniensis Kwrth vocatam in eodem Comitatu iuxta terram Senken et Comodor habitam, ab eodem Castro exemptam, cum quadam terra vduornicorum suorum ibidem existenti, vt dictum fuisset, hominis sine herede decedentis, prefato Nicolao dedisset saluo iure alieno perpetuo possidendam. Preterea supplicasset eidem domino Stephano Regi prefatus Nicolaus, vt donaciones dicti domini Bele patris sui pro seruicijs meritorijs sibi factas, eidem auctoritate suarum litterarum in suo vigore et robore de Regia munificencia dimitteret permanere; quod eidem graciose de Baronum suorum deliberacione duxisset admittendum. stb. Datum Bude qua dragesimo die octauarum festi Beati Georgij martiris anno Domini millesimo quadringentesimo undecimo.

(Eredetie bőrhártyán, a királynak hátúl oda nyomott pecsétje alatt, a budai kir. kamarai levéltárban.)