Nos Comes Stephanus Bubek Judex Curie Serenissimi Principis domini Lodouici Dei gracia Regis Hungarie stb., quod Mychael dictus de Buda pro Magistro Symone filio Maricij condam Comite Posoniensi cum procuratorijs litteris Regalibus stb. contra nobilem dominam relictam Johannis filij Johannis filij Alexandri de Gyarmath - - - in octauis festi Epiphaniarum Domini in figura nostri judicij comparendo, quasdam litteras honorabilis Capituli Jauriensis tercio de festi ferie secunde proxime post dominicam Septuagesime anno proxime transacto confectas stb. (bizonyos határjárás tárgyában felmutatja). Dehinc litteras priuilegiales honorabilis Capituli Ecclesie Jauriensis sub anno Domini millesimo ducentesimo septuagesimo nono confectas tenorem aliarum litterarum ipsius Capituli Ecclesie. Jauriensis memoralium feria sexta proxima ante festum Beati Thome Apostoli anno Domini millesimo ducentesimo septuagesimo primo confectarum de uerbo ad uerbum transsumptiue in se continentes nobis exhibuit inter cetera denotantes, quod constitutis coram ipso Capitulo ex una Magistro Alexandro filio Farkasij de Puk, et fratre Sebastiano Preposito de eadem Puk, tum Marco fratre suo pro se et Conuentu suo ex altera; idem frater Sebastianus Prepositus, presentibus Mykou Comite filio Galli, Comite Johanne pro se et pro Comite Detha fratre suo, item Magistro Thoma et Comite Luca, ac Nicolao filio Martino pro se et pro omnibus cognatis, patronis sui Monasterij, confessus extitisset, possessionem Gyarmath uocatam, quam Petrus filius Pauli inter alias donaciones suas pro remedio anime sue de consensu cognatorum suorum predictorum Monasterio de Puk contulerat, vendidisse prefato Magistro Alexandro pro quinquaginta marcis denariorum Wyennensium, quamlibet marcam cum decem pensis computatis, cum siluis, feneto et omnibus vtilitatibus suis perpetuo possidendam; et quod eandem pecuniam plenarie recepisset ab eodem. Cui quidem vendicioni iam dicti patroni consensum adhibuissent liberalem; idemque Prepositus priuilegium ipsius Capituli super donacionibus dicti Petri emanatum, quantum ad possessionem Gyarmath memoratam, saluis alijs articulis in eodem priuilegio contentis, et vniuersas litteras in figura judicij super eadem possessione contra eundem Alexandrum impetratas, cassas commissiset; prelibati eciam nobiles viri eorum jura, si que in eadem possessione quouis titulo habuissent, penitus et in toto duxissent renuncianda stb. Datum in Wissegrad duodecimo die octauarum festi Epiphanie Domini, anno eiusdem millesimo trecentesimo sexagesimo primo.

(Eredetie bőrhártyán, a budai kir. kamarai levéltárban.)