Capitulum Ecclesie Varadiensis omnibus, quibus presentes patuerint, salutem in omnium saluatore. Ad vniuersorum noticiam tenore pesencium volumus peruenire, quod cum Comes Thomas filius Pangracij super metis terrarum suarum, videlicet Thelegd et Zobowch Nicolaum Wayuodam in causam traxisset; tandem ex permissione Judicis Curie domini Regis in bonum pacis et concordie vnionem taliter coram nobis deuenerunt: Quod predictus Nicolaus Wayuoda mediantibus et arbitrantibus multis probis viris a Judice Curie domini Regis inter partes deputatis, viso et perlecto priuilegio prefati Comitis Thome, particulas quasdam predictarum terrarum Thelegd et Zobowch in syluis et terris arabilibus, quas indebite occupauerat, reliquit et remisit coram nobis eidem Thome in eisdem metis et signis ac limitibus, quibus olim ipse idem Nicolaus Wayuoda, et pater suus, Come Paulus bone memorie, et Stephanus Comes frater suus a terris suis distinxerant et separauerant, prout in predicto priuilegio prefati Thome Comitis coram nobis perlecto plenius et manifestius continetur. In cuius rei memoriam et robur sempiternum presentes concessimus litteras sigillo nostro communitas anno Domini millesimo ducentesimo septuagesimo primo. Batar Preposito, Ivan Cantore, Egidio Custode existentibus.

(Ugyanazon káptalannak 1283-ki átiratából, mint alább.)