Nos Conuentus Cruciferorum Ecclesie Sancti Regis Stephani de Strigonio significamus vniuersis, quod Peturke de Epel coram nobis constitutus, confessus est, quod quandam particulam vinee sue, quam dixit esse in Epel monte Laz uocato, quam pertransit fossatum vinee Capituli Strigoniensis, uendiderit ipsi Strigoniensi Capitulo perpetuo possidendam pro tribus fertonibus et vncia argenti ab eodem Capitulo sibi plene persolutis. Datum tercio die post festum Sancti Egidij, anno Domini millesimo CC°LXX° primo.

(Az eredeti után Knauz Nándor Magyar Sion III. köt. 149. l.)