Stephanus Dei gracia Hungarie, Dalmacie, Croacie, - - - - e, Gallicie, Lodomerie, Comanie, Bulgarieque Rex omnibus Christi fidelibus presentem paginam inspecturis salutem in eo, qui Regibus eternam dat salutem. Ad vniuersorum noticiam tenore presencium volumus pervenire, quod Magister Pows filius Theodory, fidelis, et familiaris juuenis noster, ad nostram accedens presenciam exhibuit nobis priuilegium nostrum tempore Ducatus nostri confectum, super collacione cuiusdam terre enezca vocate; petens, vt idem priuilegium approbando, memoratamque collacionem nostram retificando, confirmare dignaremur. Cujus quidem priuilegii tenor talis est:

Stephanus D. gr. junior Rex Hungarie stb. (következik István akkor ifjabb királynak 1267-ki okmánya mint fentebb 121. sz. a.)

Nos igitur seruitiaeiusdem Magistri Pows deuotata in precedentibus, et cetera, que postmodum inpendit in expedicione nostra habita contra Regem Bohemorum, recensentes; eandem collacionem nostram ratam habentes et acceptam, ipsum priuilegium de verbo ad verbum insertum presentibus confirmamus, dupplicis sigilli nostri munimine roborando; volentes, ut terras easdem tam ipse Magister Pous, et Dominicus frater suus, quam eorum heredes, heredumque suorum successores, in metis prioribus et antiquis, quas in litteris Agriensis Capituli exhibuerunt, et eciam in precedentibus sunt expresse, perpetuo pacifice possidere valeant et habere. Datum per manus Magistri Benedicti Orodiensis Ecclesie Prepositi, aule nostre Vice-Cancellarii, dilecti et fidelis nostri, anno Domini M°CC° septuagesimo secundo, quartodecimo kalendas Marcij, Indiccione quintadecima, Regni autem nostri anno secundo. Venerabilibus partibus Philippo Strigoniensi, Stephano Colocensi, aule Regie Cancellario, et Johanne Spalatensi Archiepiscopis; Lamperto Agriensi, Job Quinquecclesiensi, Briccio Chanadiensi, Philippo Vaciensi, aule domine Regine Cancellario, Paulo Wesprimiensi, Thymotheo Zagrabiensi, Lodomerio Waradiensi, Dyonisio Jauriensi, et Petro Transsyluano Episcopis Ecclesias Dei feliciter gubernantibus. Moys Palatino, Comite Supruniensi, et Judice Comanorum; Nicolao Judice Curie Regie, Comite Simighiensi; Egidio Magistro Thauarnicorum, Comite Posoniensi; Joachyno Bano tocius Sclauonie; Matheo Waywoda Transsyluano, Comite de Zonuk; Laurencio Bano de Sceurino, Comite de Dabuka; Petro Magistro Dapiferorum, Comite de Guechke; Alberto Magistro Agasonum, Comite de Scibinio, Philippo Magistro Pincernarum, Paulo Comite Bachiensi; Gregorio Magistro Thauarnicorum Domine Regine, Comite Castri Ferrei; Ponyth Bano Comite Zaladiensi, Petro Comite Albensi, Michaele Comite Nitriensi, et alijs quam pluribus Comitatus Regni tenentibus, et honores.

(Báthori István országbírónak 1464. oktávás átiratából; közli Horváth Mihály.)