Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris salutem in eo qui Regibus dat salutem. Ad vniuersorum noticiam harum serie volumus peruenire, quod Michael filius Endre dilectus et fidelis noster accedens ad nostram presenciam exhibuit nobis priuilegium nostrum cuper collacione terrarum Lonya, Boltrag, Bacy, Zolonka et Lonya uocatarum confectum, et sigillo Ducatus nostri consignatum, petens cum instancia, vt ipsum priuilegium renouari faceremus et nostris sigillis Regalibus communiri. Cuius tenor talis est:

Stephanus D. gr. (junior) Rex Hungarie stb. (következik István ifjabb királynak 1270-ki adománylevele mint fentebb 176. sz. a.)

Nos itaque ad instanciam et peticionem ipsius Comitis Michaelis, qui de virtute semper creuit ad virtutem, predictam collacionem nostram tempore Ducatus nostri eidem factam approbantes et ratificantes, de verbo ad verbum insertum ipsum priuilegium presentibus confirmamus dupplicis sigilli nostri munimine roborando. Datum per manus Magistri Benedicti Prepositi Orodiensis, aule nostre Vice-Cancellarij, dilecti et fidelis nostri, anno Dominice Incarnacionis millesimo ducentesimo septuagesima secundo Regni autem nostri anno tercio, quarto kalendas Marcij Indiccione XV. Venerabilibus patribus Philippo Strigoniensi, Stephano Colocensi aule Regie Cancellario, et Johanne Spalatensi Archiepiscopis; Lamperto Agriensi, Briccio Chanadiensi, Job Quinque Ecclesiensi, Philippo Vaciensi aule domine Regine Cancellario, Paulo Wesprimiensi, Thimotheo Zagrabiensi, Lodomerio Waradiensi, Dyonisio Jauriensi et Petro Transsiluano Episcopis Ecclesias Dei feliciter gubernantibus. Moys Palatino Comite Supruniensi et Judice Comanorum, Nicolao Judice Curie Regie Comite Simigiensi, Egidio Magistro Thauarnicorum Comite Posoniensi; Joachino Bano tocius Sclauonie, Mattheo Wayuoda Transsiluano, Comite de Zounuk; Laurencio Bano (de Zeurino Comite de Doboka, Petro Magistro Dapiferorum Comite de Guechke, Alberto Magistro Agazonum Comite de Scybinio, Philippo Magistro Pincernarum, Paulo Comite Baciensi, Gregorio Magistro Thauernicorum domine Regine Comite Castri Ferrei, Ponych Bano Comite Zaladiensi, Petro Comite Albensi, Michaele Comite Nittriensi, et alijs quam pluribus Regni Comitatus tenentibus et honores.

(I. Mátyás király 1476 „Bude tercia die Sabbati proximi ante festum Natiuitatis Beate Marie Virginis” alatt az „Albertus filius Anthonii de Lonia” által „contra Anthonium Pochay de Namen” indított perben kiadott törvénykezési átirat szerint; Rudolf királynak 1580-ki octávás átiratából, a budai királyi kamarai levéltárban.)