St. Dei gracia Rex Vngarie fidelibus suis Vicepalatino in Pest residenti, ac omnibus alijs Judicibus in suo Regno constitutis salutem et graciam. Cum populi domine Elisabeth karissime filie nostre, ac aliarum sororum de Insula Virginis Gloriose, non alterius iudicio, nisi nostro, astare teneantur: vobis mandamus precipiendo, quatenus nullus vestrum populos ipsarum sororum audeat iudicare; sed si qui accionem aliquam habent contra ipsos, coram nobis ordine iudiciario prosequantur. Datum in Insula Beate Virginis Gloriose, dominico proximo post festum Diuisionis Apostolorum anno Domini M°CC°LXX°II°.

(Eredetie bőrhártyán, a hátúl oda nyomott pecsétnek maradványai megvannak, a budai kir. kamarai levéltárban.)