Nos Magister Sixtus Lector Strigoniensis, iudex super terris uduornicorum a domino nostro Stephano Illustri Rege Hungarie per totum Regnum suum pro ipso constitutus, significamus vniuersis, quod cum pro exequendo mandato Regio ad comitatum Vesprimiensem uenissemus, Farcasius et Beke uduornici domini Regis de uilla Beryn nobis conquerendo monstrarunt, quod duo iugera terre ipsorum in loco Fyuzfya existencia uduornici domini Regis de uilla Bech indebite detinerent occupata; iuxta que iugera terre a parte occidentali terra eorundem Farcasi et Beke est uicina, et de orientali terra eorundem vduornicorum de Bech, quare ea a nobis sibi restitui postularunt. Nos igitur comperta super ipsa multimoda ueritate, et recepto iuramento eorundem Farcasij et Bek, ipsa duo iugera eisdem restituimus iure pacifico possidenda. In cuius rei memoriam presentes litteras dedimus sigilli nostri munimine confirmatas. Datum quarta feria proxima aute Septuagesimam anno Domini M°CC° septuagesimo secundo.

(Eredetie bőrhártyán, melynek hátáról az oda nyomott pecsét már lemállott. Thaly Kálmán közleménye.)