Nos Capitulum Chasmensis Ecclesie significamus omnibus presencium per tenorum, quod constitutis coram nobis ab vna parte Ve - - - - Tyba filio Stephani pro se et pro cognatis suis et proximis; item Mychaele filio Wlchek, Marcus filio Ceuetk, et Jakus filio Wicodrug pro se et cognatis suis et proximis; item Paulo - - - - sk, Chornoglan filio Nykmer, et Petro filio Endrei pro se et cognatis suis et proximis, de genere Buchcha; ab altera autem Jacobo Comite filio Jacobi; ijdem supradicti viri de genere Buchcha vnam particulam de terra eorum hereditariam (így), sufficientem ad quatuor aratra in Ochna in metis infrascriptis, item dimidiam partem silue pertinentem ad terram Ochna equa dimensione de parte eiusdem terre sufficientis ad quatuor aratra, eidem Comiti Jacobo et suis per eum heredibus heredumque successoribus pro triginta et duabus marcis coram nobis plene persolutis vendiderunt iure perpetuo possidendam. Ad cuius terre metas erigendas, et requirendum consensum vicinorum et commetaneorum, misimus hominem nostrum, qui ad nos tandem rediens dixit nobis, quod nullus extitit contradictor. Dixit eciam idem homonoster, quod comparuerunt personaliter super faciem ipsius terre Syrbuk, Irozlau filius Thome, Vyzlau filius Moytim, Peteu filius Petri, Gordola filius Jurka de cognatis et proximis venditorum, qui vendicioni et empcioni fauorabilem consensum prebuerunt. Item assupsit idem Comes Jacobus, quod secundum quantitatem terre empte cum predictis ve(nditoribus ad) descensum Bani et ad descensum collectorum marturinarum, secundum nobilitatem eorundem venditorum, communiter cum hijsdem soluere teneatur. Mete autem, sicut idem homo noster dixit, hoc ordine distinguntur: Prima meta incipit a parte septemtrionali iuxta terram Syrbuk in via, iuxta quam est meta terrea; et per eandem viam ad partem orientalem tendens venit ad arboram gertean, iuxta quam est calista; inde ad metam terream, vbi est dumus gertean; inde declinans iterum ad partem merjdionalem per viam venit ad riuum Dobrolych, vbi est meta terrea, in qua est arbor ihor et auellani; inde ad arborem piri; inde iuxta riuum ad viam, vbi sunt due mete terree ex vtraque parte; de inde venit ad arborem cerasi cruce signatam; inde ad metam terream et per fenile ad siluam; inde in riuulo tendens in magno spacio cadit in aquam Chasme, et versus occidentem exiens de silua inter Kynnyk et Dobronech venit ad arborem piri cruce signatam et meta terrea circumfusam, vbi vicinatur terre venditorum; inde procedens ad partem septemtrionalem ad metam terream; inde ad viam vbi est meta terrea; de inde ad partem orientalem in magna via tendens venit ad dumum gumulchen, in quo est meta terrea; inde exiens de via ad partem septemtrionalem venit ad arborem has cruce signatam, (q)ue est sita iuxta aquam Lypouch, et exit de eadem aqua ad metam terream, que est sita inter duas vias; inde per magnam viam ad patrem septemtrionalem; inde ad metam terream; inde ad du(mum gumul)chen meta terrea circumfusum; de inde ad primam metam, et ibidem terminatur. Obligauerunt eciam se ijdem venditores, quod si quis vel si qui pro ipsa terra aliquam fecerint questionem, uolentes requirere, ipsi proprijs laboribus et expensis ipsam terram eidem Comiti Jacobo iustificare teneantur, et indempnem in hac parte conseruare. In cuius rei testimonium et robur presentes contulimus nostro sigillo communitas. Datum anno Domini M°CC° septuagesimo secundo.

(Eredetie bőrhártyán, melyről függő pecsét már lehullott; a nemz. muzeum kézirattárában.)