Nos Capitulum Posoniensis Ecclesie significamus omnibus tenorem presentium audituris, quod Aglent, que se filiam Valkun de Suur, et relictam Pousa filii Zuna de Zovor jobagionis Castri Posoniensis esse dicebat, coram nobis constituta, et cum ea Bada filius Dyonisi jobagio Castri Posoniensis de eadem Zowor de persona eiusdem relicte nos certificans, coram nobis astans eandem relictam dicebat esse cognatam suam; eadem relicta est confessa, quod cum ipsa dotem et dotaliciam suam super Gurkam filium Symum filium fratris mariti sui requirere uoluisset, antequam ad accionem peruenissent, dotem et dotaliciam suam ad peticionem proborum virorum pro una relaxasset marca; quam vnam marcam eadem relicta per eundem Gurkam dixit fuisse sibi persolutam; quare eundem Gurkam ab impeticione dotis et rerum parafernalium suarum reddidit coram nobis penitus expeditum; ita ut de cetero nec ipsa, nec aliquis cognatorum suorum ipsum Gurkam pro dote et rebus parafernalibus pre scriptis possit molestare. In cuius rey testimonium presentes litteras dedimus sigillo nostro roboratas. Datum anno Domini millesimo CC° septuagesimo secundo.

(Eredetie bőrhártyán, a zöld selyemzsinóron függött pecsét elveszett, a budai kir. kamarai levéltárban.)