Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex universis Christi fidelibus presentem paginam inspecturis salutem in eo, qui Regibus eternam dat salutem. Ad uniuersorum noticiam harum serie uolumus peruenire, quod Wyllam ciuis de Bana, nostram adiens presenciam exhibuit nobis priuilegium domini Stephani illustris Regis Hungarie clare memorie karissimi patris nostri super confirmacione empfionis quarundam uillarum Baka, Gukes et Bagana uocatarum et pertinencium earundem confectum, petens a nostra Celsitudine cum instancia, ut idem priuilegium ratificare, et innouando nostro dignaremur priuilegio confirmare. Cuius quidem tenoris est:

Stephanus Dei gracia Hungarie stb. (következik V. István királynak 1270-ki okmánya, mint fentebb gyűjteményünk VIII. vagy is a második folyam 3-ik kötetében 289. l.)

Nos igitur iustis peticionibus dicti Wyllam fauorabiliter inclinati, id quod in premissis primo per Regem Belam auum nostrum, et demum per patrem nostrum rite et legitime factum est, in hac parte ratum habendo, dictum priuilegium patris nostri de uerbo ad uerbum insertum presentibus duximus confirmandum, dupplicis sigilli nostri munimine roborando. Datum per manus Magistri Nicolai Prepositi Ecclesie Albensis Transsiluane aule nostre Vice-Cancellarij, dilecti et fidelis nostri, anno Dominice Incarnacionis MşCCşLXXş secundo, Regni autem nostri anno primo. Venerabilibus in Christo patribus Philippo Strigoniensi perpetuoque Comite loci eiusdem, Stephano Colocensi, et Johanne Spalatensi Archiepiscopis, Lamperto Agriensi, Briccio Chanadiensi, Job Quinque-Ecclesiensi Comite Musuniensi, Philippo Waciensi aule domine Regine karissime matris nostre Cancellario Comite Neugradiensi, Paulo Wesprimiensi aule nostre Cancellario, Lodomerio Waradiensi, Thymotheo Zagrabiensi, Dyonisio Jauriensi, et alijs Episcopis Ecclesias Dei feliciter gubernantibus; Laurencio Palatino Comite Supruniensi, Joachino Bano tocius Sclauonie, Nicolao Woywoda Transsiluano Comite de Zounuk, Ladizlao Comite Posoniensi, Erney Magistro Tauarnicorum nostrorum Comite Worosdiensi, Alexandro Judice Curie nostre, Emerico Comite Symigiensi, Paulo Bano de Zeurino, Ponith Bano Comite Zaladiensi, Omodeo Comite Castri Ferrei, Reynoldo Magistro Dapiferorum, Vgriuo Magistro Agasonum nostrorum, Michaele Comite Nitriensi, Philippo Comite Jauriensi, Salomone Comite Albensi, Herbordo Comite Tolnensi, et alijs quam pluribus Comitatus Regni tenentibus et honores.

(Eredetin bőrhártyán, a zöld-sárga-vörös selyemzsinórból függő pecséttöredékkel, a budai kir. kamarai levéltárban.)