Ladizlaus Dei gracia Hungarie, Dalmacie, Rame, Seruie, Gallicie, Lodomerie, Cumanie Bulgarieque Rex omnibus presens scriptum inspecturis tam presentibus, quam futuris salutem in omnium saluatore. Ad uniuersorum noticiam tam presencium, quam posterorum harum serie volumus peruenire, quod Magister Kazmerius fidelis et familiaris prius Illustris Regis Stephani, karissimi patris nostri felicissime recordacionis, nunc aulae nostre Notarius, ad nostram accedens presenciam obtulit nobis priuilegium eiusdem karissimi patris nostri super collacione sew donacione terre cuiusdam, petens a nobis cum instancia, ut ipsum priuilegium acceptare, ratificare, sew eciam nostro priuilegio confirmare dignaremur. Cuius quidem tenor talis est:

Stephanus D. gr. Hungarie st. Rex stb. (következik V. István királynak 1271-ki adománylevele, mint fentebb gyűjteményünk VIII-ik, vagy is a második folyam 3-ik kötetében 337. l.)

Nos itaque, qui ex officio suscepti regiminis nostri iustis petencium votis animum debemus beneuolum inclinare, grata obsequia sew obsequiosa merita eiusdem Magistri Cazmerij attendentes, considerantesque eum ad obsequia nostra et Regni nostri esse necessarium, prenotatam collacionem per ipsum karissimum patrem nostrum eidem Magistro Cazmerio et suis fratribus prenotatis factam, et confirmacionem ex gracia patris nostri, ratam, gratam habentes pariter et acceptam, confirmamus dupplicis sigilli nostri munimine roborando. Datum per manus Magistri Nicolai Albensis Ecclesie Transsiluane Prepositi aule nostre Vice-Cancellarij dilecti et fidelis nostri, anno Domini millesimo ducentesimo LXXIIş, Regni autem nostri anno primo. Venerabilibus patribus Philippo Sancte Strigoniensis Ecclesie Archiepiscopo perpetuoque Comite loci eiusdem, aule nostre Cancellario, Stephano Colocensi et Johanne Spalatensi Archiepiscopis; Lamperto Agriensi, Briccio Chenadiensi, Job Quinqueecclesiensi, Philippo Vaciensi Comite Neugradiensi, Paulo Wesprimiensi, Tymotheo Zagrabiensi, Lodomerio Waradiensi, Dyonisio Jauriensi et Petro Transsiluano Episcopis Ecclesias Dei feliciter gubernantibus; Rolando Palatino, Matheo Bano tocius Sclauonie, Joachino Magistro Tauaruicorum nostrorum Comite de Pylys, Alexandro Judice Curie nostre Comite de Orbaz, Paulo Bano de Zerenio, Renoldo Magistro Dapiferorum nostrorum et Comite de Zabolch, Wgrino Magistro Agazonum nostrorum Comite Syrmiensi, Laurencio Magistro Pincernarum nostrorum Comite de Keue et Karaso; Omodeo Comite Castri Ferrey, Emerico Comite Symigiensy, Johanne Comite Zaladiensi, Michaele Comite Nitriensi, et alijs quam pluribus Comitatus Regni tenentibus et honores.

(A jászói konventnek 1434-ki átiratából, a budai kir. kamarai levéltárban.)