Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem ira eo, qui est - - - um. Ad uniuersorum noticiam harum serie uolumus peruenire, quod accedens ad nostram presenciam Magister Aladarius filius Comitis Chete exhibuit nobis priuilegium Sereniscimi patris nostri domini Stephani Regis Hungarie felicis recordacionis, petens a nobis cum instancia, ut possessiones, quarum nomina in eodem priuilegio continentur, et predictus dominus Rex pater noster karissimus ab eodem abstulerat, et diversis personis contulerat, propter merita suorum seruiciorum sibi restituere, et primam collacionem patris nostri confirmare ex benignitate Regia dignaremur. Cuius tenor talis est:

Stephanus Dei gracia junior Rex Hungarorum stb. (következik István ifjabb királynak Forrót, Devecsert, Fancsalt, Eözdet és Guthát tárgyazó 1262-ki adománya, mint fentebb gyűjteményünk IX. vagyis a második folyam 3-ik kötetében 290. l.)

Verum licet predicte possessiones ex donacione sepe dicti patris nostri, eo quod contra ipsum Aladarium motus fuerat, per diuersas manus post collacionem ipsi Magistro Aladario factam perambulauerit; tamen considerantes fidelitates et seruicia ipsius Magistri Aladarij, que progenitoribus nostris, Bele videlicet auo nostro, et predicto Stephano patri nostro, Serenissimis Regibus Hungarie, prout quedam ex sevuicijs suis in priuilegijs ipsius patris nostri karissimi continentur articulatim annotata, et nobis in feruore fidelitatis eximie exhibuit; attendentes eciam, quod sicut seruicia exhibita et inpensa non facta esse non possunt, sic et donaciones pro meritorijs seruicijs semel facte non debent reuocari: omnes possessiones, quarum nomina in ipso priuilegio patris nostri continentur, simul cum omnibus utilitatibus et pertinencijs suis eidem Magistro Aladario et suis heredibus, heredumque suorum in perpetuum successoribus de uoluntate et beneplacito domine Regine karissime matris nostre, et consilio omnium Baronum nostrorum dedimus et restituimus perpetuo et inreuocabiliter eo iure et ea integritate, quibus idem Serenissimus pater noster primo eidem contulerat possidendas; cassantes et ira irritum reuocantes ac irrita pronunciantes omnia priuilegia et instrumenta, que post collacionem karissimi patris nostri ipsi Magistro Aladario factam, quocunque modo contra ipsam qualicunque tenore uel quacumque racione seu occasione super ipsis possessionibus per possessores intermedios fuerunt impetrata. In cuius rei testimonium et perpetuam firmitatem presentes concessimus litteras dupplicis sigilli nostri munimine roboratas. Datum per manus Magistri Nicolai Albensis Ecclesie Prepositi Transilvane aule nostre Vice Cancellarij dilecti et fidelis nostri anno Domini MşCCşLXXş tertio, quarto idus Januarij, Regni autem nostri anno primo. Metropolitica Strigoniensis Ecclesie Sede vacante, venerabilibus patribus Stephano Colocensi et Johanne Spalatensi Archiepispopis; Lamperto Agriensi, Job Quinqueecclesiensi Comite Musuniensi, Philippo Wachiensi aule domine Regine karissime matris nostre Cancellario et Comite Neugradiensi, Paulo Wesprimiensi aule nostre Cancellario, Briccio Chanadiensi, Tymotheo Zagrabiensi, Lodomerio Waradiensi, Dyonisio Jauriensi, et alijs Episcopis Ecclesias Dei feliciter gubernantibus. Rolando Palatino, Bano de Machou et Judice Cumanorum; Matheo Bano tocius Sclauonie, Nicolao Woyuoda Trausilvano et Comite de Zonuk, Joachino Magistro Tauarnicorum nostorum Comite de Pylys; Alexandro Judice Curie nostre Comite de Wrbaz, Ladizlao Comite Posoniensi, Laurencio Comite Supruniensi, Herrico Bano de Wozora et de Sou, Stephano Bano de Bozna, Gregorio Bano de Boronch et de Kuchou, Emirico Comite Symigiensi, Johanne Comite Zaladiensi, Omodeo Comite Castri Ferrei, Vgrino Magistro Agasonum nostrorum Comite Syrmiensi, Paulo Bano de Zeurino Comite de Wolkou, Reynoldo Magistro Dapiferorum Comite de Zobolch, Laurencio Magistro Pincernarum Comite de Keue et de Karasu, Salomone Comite Albensi, Michaele Comite Nitriensi, Jacobo Comite Jauriensi, et alijs quam pluribus Comitatus Regni tenentibus et honores.

(Eredetin bőrhártya, a sárga-vörös selyemzsinóron függött pecsét elveszett, a budai kir. kamarai levéltárban.)