1) Religiosis viris Conuentui Ecclesiae de Lelez Nicolaus Konth Regni Hungarie Palatinus et Judex Cumanorum amiciciam paratam cum honore. Noueritis, quod in Congregacione nostra Generali Vniuersitati nobilium Aba Wyuariensis et de Sarus Comitatuum feria quarta proxima post festum Beati Michaelis Archangeli in anno Domini MşCCCşLXş quarto transacto preterita prope ciuitatem Kassa celebrata Nicolaus filius Benedicti de Tvsyr de medio aliorum consurgendo proposuerat eo modo: quod Ladislaus filius Johannis, Laurencius filius Petri, et alter Ladislaus filius Nicolai de Rozgon, ipsum et suas posteritates in predicta possessione sua Tusyr vocata contra quoslibet impetitores conseruare assumpsissent; quam quidem possessionem vicini et commetanei sui vndique existentes fere in maiori parte ad possessionarias ipsorum porciones applicando ab ipso alienassent, nuncque ipse per ipsos Ladislaum, Laurencium et alterum Ladislaum in dicta possessione Tusyr vocata iuxta eorum assumptum se conseruare vellet iure mediante. Quo percepto Demetrio filio Symonis pro Ladislao filio Nicolai antedicto cum nostris, pro altero vero Ladislao filio Johannis, et Laurencio filio Petri Stephano rufo cum litteris procuratorijs Conuentus de Jazo in nostram exurgentibus presenciam, eandem causam ipsis partibus volentibus et petentibus ad octavas festi Epiphanie Domini duximus prorogandam stb. (Ekkor az ügy ismét többször, s elvégre „ad presentes octauas festi Epiphanie Domini” elhalasztatván; Miklós comes két tulajdonátruházási okmányt mutat fel). Preterea Demetrius filius Johannis in personis dictorum nobilium de Rozgon quoddam priuilegium Illustrissimi Principis domini Ladizlai pridem incliti Regis Hungarie anno ab Incarnacione Domini MşCCş septuagesimo tercio confectum, transscribens et confirmans litteras priuilegiales domini Stephani olym Regis Hungarie anno verbi incarnati MşCCş septuagesimo exortum reuoluit decantans inter alia, quod idem dominus Stephanus Rex fidelitatibus et fidelium obsequiorum praeclaris meritis Renoldy Magistri Dapiferorum Ducis Ladislai filij sui, dilecti et fidelis sui, Comitis Agazonum suorum et de Zabolch, qui a primeuis sue iuuentutis temporibus sibi omni conaminis studio studuisset complacere, in Sue Maiestatis reminiscenciam reductis, quandam terram Tusyr in Comitatu de Zabolch existentem cum omnibus suis vtilitatibus, pertinencijs et appendicijs eidem Magistro Renoldo dedisset, donasset et tradidisset iure perpetuo possidendam, tenendam et habendam stb. Datum in Wysegrad duodecimo die termini prenotati, anno Domini millesimo CCCşLXş sexto.

(Eredetie papiron a budai kir. kamarai levéltárban.)

2) Amicis suis Reuerendis Conuentui Ecclesie de Jazou Jacobus de Scepus Judex Curie et uniuersarum Ciuitatum domini Ludouici D. gr. Regis Hungarie stb. Noueritis, quod domino Ladizlao Duce Opulye predicti Regni Hungarie Palatino in Congregacione Vniuersitati Nobilium Aba Wyuar et de Sarus Comitatuum feria quinta in octauis festi Assumpcionis Virginis Gloriose anno Domini MşCCCşLXXş preteritis prope ciuitatem Cassa celebrata causales processus quorumlibet litigancium dimeciente, Nicolaus Judex dicte Ciuitatis Cassensis de medio ceterorum exurgendo stb. (a város területét határjárás által biztosittatni kéri; a mire nézve a tárgyalás „ad presentes octauas diei cynerum” elhalasztatott). Tandem ipsis octauis instantibus Jacobus Judex dicte Ciuitatis nostro comparendo in conspectu quoddam priuilegium domini Ladizlai olym Regis Hungarie anno Domini millesimo CCşLXXş tercio septimo kalendas Junij, Regni autem sui anno primo emanatum, tenorem quarundem litterarum domini Stephani olym similiter Regis Hungarie priuilegialium anno ab Incarnacione Domini millesimo CCşLXXş emanatarum de uerbo ad uerbum transscriptiue et confirmatiue in se habens, nobis curauit exhiberi, exhibens inter alia, quod idem dominus Stephanus Rex pro fidelitatibus et seruitijs Renoldi Magistri Dapiferorum Ducis Ladizlai filij sui et Comitis Agazonum suorum in eisdem litteris declaratis, inter alias possessiones seu terras similiter in eisdem litteris contentas, quasdam terras Rozgon, Baas et Lapuspatak vocatas in Comitatu de Aba Wywar existentes cum omnibus pertinencijs et vtilitatibus suis eidem Magistro Renoldo perpetuo contulisset. stb. Datum in Wyssegrad duodecimo die termini prenotati anno Domini millesimo CCCşLXXş octauo.

(Eredetie papiron a budai kir. kamarai levéltárban.)