Ladizlaus Dei gracia Rex Hungarie fidelibus suis Capitulo Albensi salutem et graciam. Scripseramus Capitulo Agriensi, ut unum ex eis mitterent fidedignum, qui sciret et requireret nomina seruorum et ancillarum, quos et quas Nycolaus filius Arnoldi iuxta continenciam litterarum uestrarum Ponich Bano fideli nostro in pace reliquisset. Qui postmodum nobis rescripserunt, quod recepto huiusmodi nostro mandato suum misissent hominem fidedignum, coram quo idem Ponich Banus statuisset octoginta et duo capita seruorum et ancillarum, qui dixerunt se fuisse deuolutos ad ipsum Ponich Banum ab ipso Nycolao filio Arnoldi, quorum nomina in litteris eiusdem Capituli capite sigilli nostri consignatis uidebitis contineri. Quare fidelitati vestre mandantes precipimus, quatenus nomina eorundem seruorum et ancillarum uestro priuilegio uelitis inserere, cum a nobis id fuerit impetratum. Datum in Pest feria sexta post octauas Pasce.

(A székesfehérvári káptalannak 1274-ki átiratából mint alább 57 sz. a.; a főmélt. herczeg Batthyáni család levéltárában.)