Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex vniuersis Christi fidelibus presentem paginam inspecturis salutem in omnium saluatore. Ad uniuersorum noticiam harum serie uolumus peruenire, quod Reynolbus et Jak filij Ebed, item Myke et Dionisius filij Benedicti nobiles de genere Jak, qui ad defensionem Corone Regie et Regni tuicionem temporibus domini Bele aui nostri, et domini Stephani patris nostri, olim Serenissimorum Regum Hungarie in multis expedicionibus Regni, quas secundum uarietatem temporis et negociorum diuersitatem tam nos, quam eosdem predecessores nostros karissimos habere necessario oportuit, effundendo sanguinem eorum et sudores bellicos sustinendo, gratum semper commendate fidelitatis obsequium impenderunt, prout hoc Barones nostri nobis uiue uocis oraculo recitarunt; post transitum eiusdem patris uostri nobis ad Coronam Regiam et Regni solium iure successorio seu ordine geniture annuente Domino sublimatis, ad nostram accedentes presenciom nobis humiliter supplicarunt, ut quandam uacuam terram Castri Ferrei Koachy uocatam hereditarie terre eorum ab una parte; et nobilium de Pogh ex altera commetaneam, sicut dicunt, et uicinam, eis de benignitate Regia conferre dignaremur; dicentes, quod eciam predictus dominus Stephanus Rex pater noster tunc gerens gubernaculum terre Transdanubialis, et eciam primitus, cum Ducatus Stirie fuit apud eum, eis contulerit terram illam; super quo litteras ipsius patris nostri diuersis temporibus habitas, nobis exhibere curauerunt. Nos itaque, qui ex officio suscepti regiminis nostri metiri debemus merita singulorum, grata fidelium obsequia cupientes digne remuneracionis beneficio compensare, commendabilem fidelitatem, et meritoria obsequia seu obsequiosa merita iam dictorum nobilium de mansuetudine benignitatis Regie attendendo, predictam terram Koachy cum utilitatibus suis omnibus et pertinencijs uniuersis ad exemplar litterarum prefati Regis patris nostri collacionem huiusmodi exprimencium, et eciam ad racionem seu recompensacionem pecunie, quam predicti Reynoldus et Jak habere poterant de quodam captiuo nobis assignato, quem ijdem ceperant sub castro Detreh de militibus Regis Boemorum capitalis hostis nostri, de iurisdictione eiusdem castri et potestate penitus eximentes, de Baronum nostrorum consilio iam dictis nobilibus dedimus, donauimus atque tradidimus perpetuo pacifice possidendam, ita quod presens nostra donacio seu concessio prioris collacionis patris nostri perpetuum sit munimen; et eandem per Comitem Belud filium Both hominem nostrum sub testimonio Capituli Castri Ferrei nullo penitus contradictore apparente, secundum quod in eiusdem Capituli litteris hoc contineri uidimus, in metis prioribus et antiquis terminorum distinccionibus, in quibus per priores habitatores siue incolas eius eadem terra habita fuerat et possessa, predictis uobilibus fecimus assignari; volentes, ut tam ipsi, quam ipsorum heredes heredumque suorum inposterum successores, memoratam terram cum utilitatibus suis omnibus et pertinencijs vniuersis perpetuo pacifice possidere valeant et habere. Et ne super distribucione siue diuisione ipsius terre prenotatos nobiles et eorum posteros contingat forsitan in posterum discordare, presentibus declaramus, quod tres partes ipsius terre iam dicti Reynoldus et Jak, ac Kemen filius Kemen fratris eorum, tam in precium captiui supradicti, quam in recompensacionem fidelium obsequiorum suorum tanquam empticiam terram eorum et multis uirtutibus acquisitam, possideant pacifice; quarta parte illius prenotatis Vlyhe et Dyonisio remanente. Vt igitur huiusmodi collacionis series robur perpetue firmitatis obtineat, presentes eisdem concessimus litteras dupplicis sigilli nostri munimine roboratas. Datum per manus Magistri Benedicti Sancte Strigoniensis Ecclesie Electi, aule nostre Uice-Cancellarij et Prepositi Budensis, dilecti et fidelis nostri, anno Domini MşCCşLXXş quarto, pridie kalendas Junij, Indiccione secunda Regni autem nostri anno secundo. Venerabilibus patribus Stephano Colocensi et Johanne Spalatensi Archiepiscopis, Lamperto Agriensi, Briccio Chanadiensi, Job Quinqueecclesiensi, Philippo Waciensi, aule domine Regine consortis nostre karissime Cancellario, Paulo Wesprimiensi aule nostre Cancellario, Thymoteo Zagrabiensi, Lodomerio Waradiensi, Dyonisio Jauriensi et Petro Transsiluano Episcopis, Ecclesias Dei feliciteer gubernantibur; Dionisio Palatino Comite de Oklych et Judice Comanorum, Nicolao Judice Curie nostre Comite de Guecke, Herrico Bano tocius Sclauonie, Nicolao Woywoda Transsiluano et Comite de Zonuk, Paulo Bano de Sceurino, Joachino Magistro Tauarnicorum Comite de Plys, Reynoldo Magistro Dapiferorum Comite Zulgageuriensi, Nicolao Magistro Pincernarum, Herbordo Magistro Agasonum nostrorum Comite de Barana, Moys Magistro Tauarnicorum domine Regine Comite Symigiensi, Johanne Comite Supruniensi, Gregorio Comite Castri Ferrei, Dedalo Comite Zaladiensi, Jacobo Comite Nitriensi; et alijs quam pluribus Comitatus Regni tenentibus ethonores.

(Eredetie bőrhártyán, a sárga-zöld selyemzsinóron függött pecsét elveszett; a nemz. muzeum kézirattárában.)