(L)adizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presens scriptum inspecturis salutem in uero salutari. (A)d uniuersorum noticiam harum serie uolumus peruenire, quod Magister Petrus Comes Supruniensis et Symigiensis dilectus et fidelis noster ad nostram accedens presenciam exhibuit nobis priuilegium nostrum primo anno Regni nostri super possessione Scynte uocata confectum, non rasum, non cancellatum, non abholitum, nec in aliqua sui parte uiciatum, petens cum instancia, ut collacionem de ipsa possessione Scinte tunc sibi factam ratificare, et de nouo ipsum priuilegium innouando dignaremur confirmare. Cuius tenor talis est:

(L)adizlaus Dei gracia Hungarie stb. Rex stb. (következik ugyan IV. László királynak 1273-ki adománylevele, mint fentebb 9. sz. a.)

(N)os itaque eiusdem Magistri Petri iustis peticionibus annuentes, gestantesque coram nostre Maiestatis oculis inconcussam fidelitatem suam et gratum obsequium, quod nobis specialiter tunc exhibuit, quando nos et domina Regina mater nostra karissima per Herricum Banum et alios sibi adherentes, Corone Regie utique infideles, detenti fuimus apud Budam; ac demum in conflictu habito circa uillam Fuen contra eosdem infideles, in quo quidem prelio ipse Magister Petrus in facie sua maximam plagam sustinuit, vbi idem Herricus Banus per sepedictum Magistrum Petrum in prelio uictus uitam finiuit innominiose in infidelitate manifesta, collacionem eandem ex certa sciencia et Baronum nostrorum consensu ratificando presentibus confirmamus firmitate perpetuo duraturam; ita quod presens ipsius priuilegij innouacio collacionis prioris irretractabile sit munimen; posteris nostris sub interminacione paterne malediccionis inhibentes, ne contra collacionem premissam aliquid presumant attemptare; priuilegium quoque sub nostra bulla cerea super ipsa possessione Scinte Johanni filio eiusdem Herrici tunc Comiti Supruniensi traditum, eo tempore quo dictus Magister Petrus per suos emulos in persecucione positus fuit de domo Regia effugatus, auctoritate presencium tanquam vanum, cassum et irritum reuocamus, ita vt vbicunque tam in iudicio quam extra fuerit presentatum, uiribus careat, et nullius firmitatis reputetur, sicut reuocatum et robore destitutum. In cuins rei memoriam firmitatemque perpetuam presentes concessimus litteras dupplicis sigilli nostri munimine roboratas. (D)atum per manus eiusdem Magistri Benedicti Sancte Strigoniensis Ecclesie Electi eiusdemque loci Comitis perpetui, aule nostre Vicecancellarij et Prepositi Budensis dilecti et fidelis nostri, anno Domini MşCCş septuagesimo quarto II-o kalendas Januarij Indiccione secunda, Regni autem nostri anno tercio. Venerabilibus patribus Stephano Colochensi et Jobanne Spalatensi Archiepiscopis; Lamperto Agriensi, Briccio Chanadiensi, Job Quinqueecclesiensi, Phylippo Waciensi, aule domine Regine consortis nostre karissime Cancellario, Thymotheo Zagrabiensi, Lodomerio Waradiensi, Dionisio Jauriensi et Petro Transsiluano Episcopis Ecclesias Dei feliciter gubernantibus; Rolando Palatino Judice Cumanorum; Erney Bano Judice Curie nostre; Matheo Woywoda Transsiluano et Comite de Zounuk; Egidio Magistro Tauarnicorum; Nicolao Magistro Dapiferorum; Chepano Magistro Pincernarum; Petro Magistro Agasonum nostrorum, Philippo Comite Castri Ferrei, Ocbuz Comite Zaladiensi, Tyba Comite Tolnensi, Salomone Comite Albensi, et alijs quam pluribus Comitatus Regni tenentibus et honores.

(Eredetie bőrhártyán, melyről a pecsétnek töredéke vörös selyemzsinóron függ, a budai királyi kamarai levéltárban.)