(L)adizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus, ad quos presens scriptum peruenerit, salutem in omnium saluatore. Ad vniuersorum noticiam harum serie volumus peruenire, quod accedens ad nostram presenciam Jacobus filius Abraham de Hetus, exhibuit nobis patentes litteras Comitis Laurencij quondam Palatini super terra ipsius Denna vocata emanatas, petens a nobis cum instancia, ut ipsas litteras nostro dignaremur priuilegio confirmare. Quarum quidem litterarum tenor talis est:

(L)aurencius Palatinus stb. (következik Lőrincz nádor 1268-iki itéletlevele, mint gyűjteményünk VIII-ik, vagyis a második folyam III. kötetében 206. l.)

Nos itaque iustas peticiones predicti Jacobi admittentes Regio cum fauore, predictas litteras Comitis Laurencij de uerbo ad uerbum presentibus insertas nostra priuilegio duximus confirmandas. Vt igitur huius rei series robur obtineat perpetue firmitatis, presentes concessimus litteras duplicis sigilli nostri munimine roboratas. Datum per manus Magistri Benedicti Strigoniensis Ecclesie Electi, perpetui Comitis loci eiusdem, Budensis Prepositi, aule nostre Vice Cancellarij dilecti et fidelis nostri, anno Domini Mş CCş septuagesimo quarto, Regni autem nostri anno secundo. Venerabilibus patribus Stephano Colocensi et Johanne Spalatensi Archiepiscopis, Lamperto Agriensi, Job Quinqueecclesiensi, Briccio Chenadiensi, Paulo Vesprimiensi aule nostre Cancellario, Philippo Vaciensi aule domine Regine karissime consortis nostre Cancellario, Tymotheo Zagrabiensi et Petro Transsiluano Episcopis, Ecclesias Dei feliciter gubernantibus. Dyonisio Palatino, Comite de Oclych et Judice Cumanorum, Herrico Bano tocius Sclauonie, Nicolao Voyauoda Transsiluano Comite de Zounuk, Joachyno Magistro Tauarnicorum nostrorum Comite de Pylis, Nicolao Judice Curie nostre Comite de Gechke, Reynoldo Magistro Dapiferorum nostrorum, Herbordo Magistro Agasonum nostrorum Comite de Bana, Moys Magistro Tauarnicorum domine Regine karissime consortis nostre Comite Symigiensi, Dedalo Comite Zaladiensi, Johanne Comite Supruniensi, Jacobo Comite Nitriensi, et alijs quam pluribus Comitatus Regni nostri tenentibus et honores.

(Eredetie bőrhártyán, a függő pecsét elveszett, a budai kir. kamarai levéltárban.)