Omnibus Christi fidelibus presens scriptum inspecturis Capitulum Budensis Ecclesie salutem in Domino sempiternam. Ad uniuersorum noticiam tenore presencium uolumus peruenire, quod vir nobilis Moys Magister Thauarnicorum Inclite Regine Hungarie, Comes de Scepus, in nostra personaliter constitutus presencia, quandam uillam suam Chaba vocatam cum omnibus vtilitatibus et pertinencijs suis, et cum mancipio Tenkus nomine, ac filijs eiusdem in eadem villa existentibus, Ecclesie Beate Marie Virginis de Insula, et sororibus in eadem Ecclesia Deo iugiter famulantibus pro remedio anime sue, ut temporalia largiendo pro eternis perpetue remuneracionis premium consequi mereretur, contulit perennaliter possidendam. Vt igitur donacionis dicte ville per mencionatum Magistrum Moys coram nobis facta irreuocabilis perseueret, nec aliquatenus inposterum valeat retractari, ad peticionem et instanciam eiusdem Magistri Moys presentes litteras supradicte Ecclesie Beate Marie et sororibus concessimus nostri sigilli munimine roboratas. Datum per manus Magistri Ambrosij Scholastici Budensis, anno Domini millesimo ducentesimo septuagesimo quarto. Magistro Johanne Cantore, Petro Custode, Benedicto Decano, Zele sacerdote, Damiano, Elia, et Stephano Magistris, ceterisque Canonicis existentibus.

(A budai kir. kamarai levéltárban őrzött másolat után.)