Nos Capitulum Ecclesie Sancti Michaelis de Castro Ferreo per presentes litteras damus pro memoria, quod Magister Druzlou filius Druzlai ex vna parte, Roman filius Hungud, Egidius filius Emsa, Paulus filius Stephani, Petrus filius Bensa, Ambrosius filius Tywan, Loprech filius Clementis, et Sycusd filius Theke nobiles de Apathunkaya pro se et pro tota generacione sua, excepto Nicolao filio Theodori et filiis suis ex altera, coram nobis constituti, idem Magister Duruzlou terram ad usus duorum aratrorum sufficientem iuxta mensuram Regni approbatam in terra sua Rum vocata, collata sibi a domino nostro illustri Rege Ladizlao, vt dicebant, racione cognacionis, consanguinitatis et affinitatis dedit eisdem nobilibus a parte terre eorundem ab occidente progrediendo, penes terram Gothardi filij Pauli complendo per longitudinem vsque magnam stratam versus orientem iure perpetuo possidendam ita, vt lapsu temporis nec dictus Magister Druzlaus seu cognati de sua linea condescendentes predictam terram duorum aratrorum datam dictis nobilibus petecunt reuocare; e conuerso nec ijdem nobiles ultra ipsa duo aratra dictum magistrum Druzlaum aut suos propinguos peterunt molestare; et si quam parcium molestare attemptarent, ante litis ingressum parti alteri in tribus marcis tenebitur; hoc et interposito, quod si quandocunque tam ipsum Magistrum Druzlaum, quam prefatos nobiles causa super facto terre Rum inuenirent, tenerent se in alterutrum modis omnibus adiuuare; pars vero, que in hoc negligens extiterit in tribus marcis parti alteri subiacebit. Datum in quindena Penthecostes anno gracie millesimo CCşLXXş quarto.

(Ugyan a vasvári káptalan 1328. „in octavis Pasche” „Johannes filius Pauli do Theutus” kérelmére készült átiratából, melynek eredetie a Rumy család levéltárában, másolata a magyar academia irattárában őriztetik.)