Nos H. dictus Abbas de Chikador vniuersis Christi fidelibus tam presentibus quam,futuris tenore praesentium cognituris duximus declarandum; quod Laurencius et Thomas frater eiusdem, et Vincencius cognatus eorundem de Loymer, in nostri presencia constituti, Zhunde et Johanni filio suo viginti et sex iugera iacencia iuxta semitam Gregori filij Iso, decem de eisdem de terra fertri (igy) et stercorata iugera, nec non et terram vnius mansus vendiderunt pro duabus marcis in perpetuum possidendam; tali tamen condicione, quod si predictus Zhunda, seu filius Johannes, vel heredes eorundem prefatam terram vendere voluerint quacunque de causa, Laurencio et Thome, Vincencio supradictis aut heredibus eorundem pro duabus marcis vendere tenebuntur; sed si prefatus Zhunda et Johannes filius suus, aut heredes sui, sepe dictam terram tenere woluerint, absque onmi contradiccione perpetuo possidebunt. In cuius memoriam rei et perpetuam firmitatem presentes concessimus ad petitionem vtriusque partis sigilli nostri munimine munitas. Actum puplice in Chikador anno Domini MşCCşLXXşIIIIş; nobis presentibus, et C. Priore nostro, et A. Subpriore, et S. Plebano Ecclesie nostre, L. Curiali Comite nostro.

(Eredetie bőrhártyán, hártyazsinegen függő pecsét alatt; a főmélt. herczeg Eszterházy család levéltárában.)