Conuentus Monasterij Sancti Adriani de Zala omnibus presens scriptum inspecturis salutem in domino saluatore. Ad uniuersorum noticiam uolumus peruenire presencium per tenorem: quod Michaele filio Michaelis de genere Buzad ab una parte, et Ochuz filio Magistri Buzad Comite Vesprimiensi ab altera coram nobis constitutis, propositum et relatum extitit per eosdem: quod idem Michael quandam possessionem suam Zamarfolua uocatam, cum terris, vineis, siluis; fenetis ac aliis utilitatibus et pertinencijs suis, per omnia, ut dixerunt, ad septem aratra sufficientibus, eidem Comiti Ochuz et suis heredibus heredumque successoribus, pro viginti quinque marcis partim in denariis, partim uero in estimacione condigna plene habitis et receptis ab eodem, confessus est uendidisse in perpetuum pacifice et inreuocabliter possidendam. In cuius rey testimonium et memoriam firmiorem presentes litteras concessimus nostri sigilli munimine roboratas. Datum anno Domini millesimo ducentesimo septuagesimo quarto. Dominico Decano nostro, Petro Custode, et aliis fratribus salubriter existentibus.

(Eredetie bőrhártyán, hártyazsinegen függő pecsét alatt; a budai kir. kamarai levéltárban.)