Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presens scriptum inspecturis salutem in omnium saluatore. Ad vniuersorum tam presencium quam posterorum noticiam harum serie uolumus peruenire: quod Nycolaus filius Adriani ad nostram accedens presenciam quandam terram Castri nostri Zaladiensis Jakusfeulde uocatam, iuxta Paka existentem, uacuam et habitatoribus destitutam a nobis sibi dari postulauit. Verum quia de qualitate et quantitate ipsius terre, et utrum esset uacua nec ne, nobis ueritas non constabat; fidelibus nostris Abbati et Conuentui Zaladiensi, et Comiti Paris filio Peturka bomini nostro dedimus in mandatis, ut conuocatis omnibus commetaneis et vicinis, accederent ad terram prenotatam; et si eam uacuam et habitatoribus destitutam inuenirent, statuerent eidem Nycolao sine preiudicio iuris alieni, et si non fieret centradictum; contradictores uero si qui fierent, ad nostram citarent presenciam ad terminum competentem. Qui postmodum rescripserunt nobis, quod prefatam terram inuenissent uacuam et habitatoribus destitutam; et quod conuocatis omnibus commetaneis et uicinis eidem Nycolao statuissent nullo contradictore penitus super ipsa terra comparente. Nos igitur consideratis seruicijs et fidelitatibus ipsius Nycolai, que idem tempore domini Regis Stephani patris nostri karissimi felicis recordacionis et nostro fideliter inpendit et deuote, ipsam terram cum omnibus suis utilitatibus et pertinencijs eidem Nycolao iure perpetuo et in heredum heredes duximus conferendam. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas. Datum per manus venerabilis viri Magistri Benedicti Sancte Strigoniensis Ecclesie Electi, eiusdem loci Comitis Perpetui, Prepositi Budensis, aule nostre Vice-Cancellarij, dilecti et fidelis nostri anno Domini MşCCşLXXş quinto, Regni autem nostri anno tercio, quindecimo kalendas Julij. Venerabilibus patribus Stephano Colocensi et Johanne Spalatensi Archiepiscopis; Phylippo Waciensi, aule domine Regine karissime consortis nostre Cancellario; Job Quinqueecclesiensi, Tymotheo Zagrabiensi, Lodomerio Waradiensi, Dyonisio Jauriensi, Andrea Agriensi, Petro Transiluano Episcopis, Petro Wesprimiensi et Gregorio Chanadiensi Electis, Ecclesias Dei feliciter gubernantibus. Nycolao Palatino Judice Cumanorum et Comite Supruniensi; Johanne Bano tocius Sclanonie; Nycolao Woyauoda (igy) Judice Curie nostre; Matheo Woyauoda Transiluano et Comite de Zounuk; Joachino Magistro Tauarnicorum, Reynoldo Magistro Dapiferorum nostrorum; Paulo Bano de Zeurino; Dyonisio Magistro Tauarnicorum domine Regine consortis nostre karissime Comite Zaladiensi; Rolando Comite Castri Ferrei, Gregorio Comite Symigiensi, Mychaele Comite Nytriensi; et alijs quam pluribus Comitatus Regni nostri tenentibus et honores.

(Eredetie bőrhártyán, melyről a király kettős pecsétjének töredéke sárga-vörös selyemzsinóron függ, a budai kir. kamarai levéltárban.)