Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex vniuersis Christi fidelibus presentes litteras inspecturis salutem in salutis largitore. Ad vniuersorum noticiam harum serie volumus peruenire; quod Magister Stephanus filius Magistri Mathey Comes Borsiensis dilectus et fidelis noster ad nostram veniens presenciam, de quibusdam terris suis ex nostra donacione sibi collatis, quarum nomina in litteris Strigoniensis Capituli presentauit, cum quibusdam jobagionibus Castri Borsiensis, qui coram eodem Capitulo Srigoniensi comparuerant, et eorum nomina in eisdem litteris plenius continentur, consencientibus et permittentibus alijs jobagionibus eiusdem Castri, cognatis eorundem et commetaneis terrarum predictarum, quorum nomina in eiusdem litteris Capituli sunt expressa, concambium seu permutacionis modum prefatis jobagionibus Castri uolentibus et acceptantibus spontanea uoluntate, cum supplemento seu addimento (így) quinquaginta marcarum per predictos jobagioncs Castri ab eodem Magistro Stephano acceptarum, asseruit se fecisse; petens a nobis, ut ipsi concambio seu permutacionis modo assensum seu consensum Regium preberemus; nostrum sibi et ipsis jobagionibus Castri super hoc priuilegium concedendo. Tenor autem litterarum iam dicti Capituli Strigoniensis concambij seu permutacionis continens, quantum ad hunc articulum pertinet, talis est:

Excellentissimo domino Ladizlao stb. Magister L. Prepositus et Capitulum Ecclesie Strigoniensis stb. (következik az esztergami káptalannak ugyan 1275-ki jelentése IV. László királyhoz, mint alább.)

Nos itaque iustis peticionibus eiusdem Magistri Stephani fauorabiliter inclinati, prefati cambij seu permutacionis modum inter ipsum Magistrum Stephanum ac prenominatos jobagiones Casri mutuo celebratum ratum habentes et acceptum, auctoritate presencium confirmamus memoratum concambium apud vtramque partem irreuocabiliter duraturum. In cuius rey memoriam firmitatemque perpetuam presentes dedimus litteras dupplicis sigilli nostri munimine roboratas. Datum per manus Magistri Benedicti Sancte Strigoniensis Ecclesie Electi, eiusdemque loci Comitis Perpetui, Prepositi Budensis et aule nostre Vicecancellarij, dilecti et fidelis nostri, anno Domini MşCCşLXXşVş, Regni autem nostri anno tercio. Venerabilibus patribus Stephano Colochensi et Johanne Spalatensi Arcbiepiscopis; Lodomerio Waradiensi, Job Quinqueecclesiensi, Philippo Vaciensi, aule domine Regine karissime consortis nostre Cancellario, Thymotheo Zagrabiensi, Dyonisio Jauriensi et Petro Transsiluano Episcopis Ecclesias Dei feliciter gubernantibus. Nicolao Palatino, Judice Cumanorum, Comite Supruniensi; Johanne Bano Sclauonie, Nicolao Woyuoda Judice Curie nostre, Joakhyno Magistro Tauarnicorum nostrorum; Matheo Bano Woyuoda Transsiluano, Dionisio Magistro Tauarnicorum domine Regine karissime consortis nostre, Reynoldo Magistro Dapiferorum; et alijs quam pluribus Comitatus Regni tenentibus et honores.

(Eredetie bőrhártyán, melyről a pecsétnek töredéke vörös-zöld selyemzsinóron függ; a budai kir. kamarai levéltárban.)