Nos Ladizlaus Dei gracia Rex Hungarie memorie commendantes significamus vniuersis presencium per tenorem, quod inspectis fidelitatibus et seruicijs Comitis Abraam filij Ponith de genere Kata, que nobis exhibuit et inpendit, quasdam terras Gyele jobagionis Castri de Zonuk, et Gabrielis Maioris Exercitus sine herede decedencium, Chen et Wlmez vocatas in Comitatu de Zonuk existentes, vacuas et habitatoribus destitutas, sicut nobis per litteras Capituli Waradiensis extitit euidenter, eidem Comiti Abraam dedimus, contulimus et tradidimus jure perpetuo pacifice possidendas; et ad corporalem possessionem dictarum terrarum ipsum Comitem Abraam per Comitem Nicolaum filium Tyba sub testimonio predicti Capituli fecimus introduci, nullo penitus contradictore apparente; prout in litteris dicti Capituli Waradiensis vidimus contineri. Adicimus, quod presentibus nobis reportatis nostrum eisdem priuilegium conferemus. Datum in valle Zalouk feria sexta post octauas Beati Johannis Baptiste. Anno Domini MşCCşLXXş quinto.

(I. Lajos királynak 1351-ki megerősítő leveléből, mely eredetiben megvan gr. Gyulai Laios kolozsvári levéltárában, közli Szabó Károly.)