Nos D. Dei gracia Episcopus Jauriensis memorie commendantes significamus vniuersis, quod nos dilectum nobis, dominum S. venerabilem Abbatem de Monte Sancte Marie unacum fratribus suis benigno fauore et speciali gracia prosequi cupientes, ius Magistratus Capellarum infrascriptarum in possessionibus Monasterij sui existencium, scilicet de Proznia, de Kethel, quam iamdudum ex donacione O. Episcopi bone memorie predecessoris nostri habuerant; item de Laztey et de Mixe, in usus fratrum predictorum contulimus pleno iure, prouisionem in persona alterius factam reuocantes in hac parte. Datum apud Montem Sancte Marie anno Domini Mş CCş LXXş quinto tercio die post festum Sancte Trinitatis.

(Eredetie bőrhártyán, a melynek pecsétje elveszett, a budai kir. kamarai levéltárban.)