Nos Dionisius Diuina opitulante clemencia Comes Borsiensis, significantes vniuersis Christi fidelibus presens scriptum inspecturis salutem in omnium saluatore. Ad uniuersorum noticiam tenore presencium feliciter uolumus peruenire, quod litteras Stephani Dei gracia illustris Regis Hungarie, recepimus, continentes, ut terram Monasterij Beati Benedicti in Bors, cum domibus et vtilitatibus suis, usque aquam Goron iacentem, perhemtorie restitueremus Monasterio supradicto. Similiter terram Scevlen et terram Zengeu ab antiquo possessam, eidem Monasterio debito iure sub certis terminis restauraremus. Igitur obtemperantes mandatis et preceptis Excellentissimi domini Regis, habito consilio cum jobagionibus predicti Castri, videlicet Martino, Olodario, et fratre suo Romano, Sokeu, Luka; et cum burgensibus eiusdem Castri, scilicet Herch et filio suo Petro, Zedemer, Hench aurifabro, Micou, Martino et Paulo Plebano Vicearchidiacono Borsiensi, Scereda sacerdote Ecclesie Sancti Georgij, et Nicolao sacerdote Ecclesie Sancti Michaelis, ipsam terram Monasterij, quam Preuslinus quondam Comes Borsiensis contra iusticiam Dei in Bors detinebat, eidem Monasterio restituimus usque Granam, cum omnibus utilitatibas suis prenotatis. Similiter terram Sceulen vocatam, existente Cadar commetaneo; et terram Zengev, Egidio et Basik commetaneis existentibus, sub certis metis Monasterio Sancti Benedicti restituimus, sicut illud Monasterium posssidebat ab antiquo. Vt autein hec restitucio terrarum firma et secura permaneat, litteras sigilli nostri munimine Martino Abbati predicti Monasterij contulimus sigillatas. Datum anno Domini MşCCşLXXVş.

(Az eredeti után Knauz Nándor, Magyar Sion III, köt. 299. l.)