Capitulum Ecclesie Albensis omnibus Christi fidelibus presentes litteras inspecturis salutem in Domino sempiternam. Ad vniuersorum noticiam tenore presencium volumus peruenire; quod Onth filius Comitis Onth de genere Zolouk ab una parte, Laurencius et Magister Johannes filij Comitis Chepani de Kunmaty ex altera coram nobis constituti retulerunt: quod de terra condicionariorum domini Regis de Ezen predictis Laurencio et Magistro Johanni a domino Rege, ut dixerunt, collata, terram dicti Onth hereditariam et ex collacione Regia possessam, que mistim prius cum terra dictorum condicionariorum domini Regis in Ezen adiacebant (így), separassent et distinxissent in hys metis: Quod prime due mete incipiunt ab oriente a termino terre Boyonka in magna via, quarum una ab aquilone est dicti Onth, alia a meridie Laurencij et Magistri Johannis predictorum; de quibus protenditur in eadem via uersus occidentem, et uenitur per ipsam magnam viam usque ad fundum curie domini Onth ad duas metas positas in prato ab aquilone ante curiam dicti Onth, quarum una ab aquilone est dicti Onth, alia a meridie Laurencij et Magistri Johannis; et de eisdem reflectitur ad metidiem eundo in breui spacio, uenit ad duas metas erectas super dumum sambuci, quarum una a septemtrione est dicti Onth, alia a metidie predictorum; de quibus directe inclinat ad occidentem ad duas metas in terra Teluk inter paruas arbores pruni erectas; et de eisdem directe transit ad occidentem ad duas metas, quarum una est sub arbore cherasi in uirgulto, alia est terrea; abhinc directe adhuc uadit ad occidentem ad duas metas sub silua dicti Onth Zunurous uocata in terra erectas, et ibi terminatur. Et sic existit terra dicti Onth ab aquilone, terra uero predictorum filiorum Comitis Chepani a meridie remanente. Et quod inter partes et eorum inter heredes aliquis scrupulus questionis in futurum super diuisione predicte terre non possit susscitari, presentes ad peticionem parcium in testimonium premisse rei dedimus utrisque partibus litteras nostro sigillo communitas, anno Domini MşCCş septuagesimo quinto. Magistro Demetrio Ecclesie nostre Preposito, Myke Cantore, Feliciano Custode, Hab Decano existentibus.

(Eredetie bőrhártyán; a függő pecsét elveszett, a budai kir. kamarai levéltárban.)