Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus tam presentibus quam futuris presencium noticiam habituris (salutem in omnium saluatore.) Ea que iuris ordine terminantur in conspectu Regie Maiestatis, testimonio litterarum solent confirmari, ne processu temporis falsitas veritati preualeat, et iniquitas preiudicet equitati, vel lites ex litibus valeant suscitari. Proinde ad vniuersorum tam presencium quam futurorum noticiam harum serie volumus peruenire, quod populi de Liptou, Bosin vna cum filijs suis Sevislav, Punak, Milach, Boliuta et Bohuret, dilecti et fideles nostri, cuin litteris ipsorum Maiestatis nostre humiliter adeuntes presenciam, exhibuerunt nobis litteras quasdam priuilegiales de ordinacione et disposicione seu donacione domini Bele olim Regis Hungarie Illustris, karissimi aui nostri felicis recordacionis, super quibusdam libertatum prerogatiuis per eundem ipsis populis concessis confectas, petentes nos, et nostro Culmini precum instancia subiectiua supplicantes, vt easdem libertatum prerogatiuas ratificare et approbare, dictasque litteras priuilegiales ad vberioris cautele euidenciam priuilegij nostri patrocinio clementer dignaremur confirmare. Quarum tenor talis est:

Bela Dei gracia Hungarie stb. Rex stb. (következik IV. Béla királynak 1248-ki okmánya, mint gyűjteményünk VII., vagyis a második folyam II. kötetében 258. l.)

Nos igitur iustis et legitimis predictorum fidelium nostrorum peticionibus fauorabiliter inclinati in hac parte, attendentes quod iusta peticio auribus Regie Benignitatis non debeat displicere, imo ad exaudicionis graciam admitti mereatur; prenotatas litteras ipsorum, non cancellatas, non abrasas, nec in aliqua sui parte viciatas, de verbo ad verbum presentibus insertas, vna cum prescriptis alijs approbamus, ratificamus et auctoritate Regie Maiestatis de Prelatorum et Baronum Regni nostri consilio ad perpetuam rei memoriam confirmamus. In cuius testimonium presentes concessimus litteras dupplicis sigilli nostri munimine roboratas. Datum per manus Magistri Nicolai Albensis Ecclesie Transiluaniensis Prepositi aule nostre Cancellarij, dilecti et fidelis nostri, anno Domini millesimo ducentesimo septuagesimo sexto, Regni autem nostri anno quinto VII. kalendas Augusti.

(Az Okolicsányi család levéltárából közölte néhai Szontagh Dániel.)