Ladyzlaus Dei gracia Hungarie, Dalmacie, Crowacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in Domino sempiternam. Diuini Numinis incomprehensibilis altitudo Regni gubernacula Regibus Catholice fidei eo committit felicius gubernauda, quo ijdem Reges Ecclesias, Christi sanguine rubricatas, sue tutele commissas, nituntur ditare in temporalibus vberius seu dotare, presertim eas, que sancte religionis modulis cultuj Diuino deuocius sunt annexe. Proinde ad vniuersorum noticiam tam presencium quam futurorum harum serie volumus peruenire, quoa nos pie deuocionis consideracione, quam ad gloriosam Dei genitricem, que cuiquam fideli nouercari non nouit, habemus, benignissime inducti, insulam super Danubio circa Veterem Budam existentem, que quondam Insula Leporum wlgariter, nunc autem Insula Beate Marie Virginis nuncupatur, exceptis claustris et septis Fratrum Minorum et Fratrum Ordinis Premonstratensium de Monasterio Beati Mychaelis in eadem insula constitutis, dedimus, donauimus, contulimus et concessimus domine Elysabeth karissime sorori nostre, ac omnibus dominabus, sororibus videlicet Monasterij Beate Virginis in eadem insula iugiter Deo famulantibus, sumpmo desideria et affectu; volentes et concedentes, quod a modo tam ipsum Monasterium Virginis Intemerate, quam vniuerse religiose sorores in eodem feliciter detengentes (igy) collacione huius insule per nos regaliter facta secure et illibate gaudeant et fruantur. In cuius rei memoriam firmitatemque perpetuam presentes concessimus litteras duplicis sigilli nostri robore communitas. Datum per manus venerabilis viri Magistri Benedicti Sancte Strigoniensis Ecclesie Electi, Prepositi Budensis, Aule nostre Vicecancellarij, dilecti et fidelis nostri, anno Domini MşCCşLXXş sexto, nono kalendas Septembris, Regni autem nostri anno quarto.

(Eredetie börhártyán, a, sárga-violaszinű függő pecsét töredéke megvan, a budai kir. kamarai levéltárban.)