Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in eo, qui Regibus dat salutem. Ad vniuersorum tam presencium quam futurorum noticiam volumus peruenire; quod frater Ricardus Prior de Ordine Fratrum Predicatorum de Insula Beate Virginis; et Comes Petrus officialis eiusdem Ecclesie ad nostram accedentes presenciam exhibuerunt nobis priuilegium Serenissimi Principis domini Bele felicis recordacionis, olim Illustris Regis Hungarie karissimi aui nostri, priuilegio domini Stephani inclite memorie Regis genitoris nostri karissimi confirmatum, super collacione cuiusdam ville Zolunta Zakalas uocate, facta per predictum dominum B. Regem auum nostrum Ecclesie Beate Virginis de Insula memorata confectum, petentes uerbo domine Elisabeth sororis nostre karissime, et aliarum sororum nobis in Christo karissimarum, in predicta Ecclesia Beate Virginis Domino iugiter famulancium, ut idem priuilegium ratificare, et ad vberiorem cautelam nostro dignaremur priuilegio confirmare. Cuius tenor talis est:

Bela D. gr. Hungarie stb. Rex stb. (következik IV. Béla királynak 1267-ki adománylevele, mint gyűjteményünk VIII., vagyis a második folyam III. kötetében, 167. l.)

Nos igitur iustis peticionibus eorundem hac parte inclinati, dictum priuilegium domini Bele Regis aui nostri, priuilegio domini Regis Stephani genitoris nostri karissimi, ut premisimus, confirmatum, ratum habentes et acceptum, et de uerbo ad uerbum insertum presentibus confirmamus, duplicis sigilli nostri munimine roborando. Datum per manus venerabilis viri Magistri Benedicti Sancte Strigoniensis Ecclesie Electi eiusdemque loci Camitis perpetui, Prepositi Budensis, et aule nostre Vicecancellarij dilecti et fidelis nostri, anno ab Incarnacione Domini MşCCşLXXş sexto, Regni autem nostri anno sexto.

(Eredetie bőrhártyán, a kettős pecsétnek töredéke sárga-vörös selyemzsinóron függ, a budai kir. kamarai levéltárban.)