Ladizlaus Dei gracia Rex Hungarie fidelibus suis Capitulo Ecclesie Albensis salutem et graciam. Dicit nobis Belid filius Beche vna cum Pete, fratre suo de Scil, quod dictam possessionem ipsorum Scil uocatam in Comitatu Tolnensi 150habitam iuxta veteres et antiquas suas metas ab aliorum possessionum iuribus metaliter sequestrando distingerent et distingere vellent. Super quo fidelitati vestre firmiter precipiendo mandamus, quatenus vestrum mittatis hominem pro testimonio fide dignum, quo presente Guth de Merse, vel Gaspar de. Heighazas Merse, aut Iuan dictus Fequete de Dada alijs absentibus homo noster ad predictam possessionem Scil accedendo, vniuersos vicinos et cummetaneos eiusdem possessionis inibi conuocatis, ipsam possessionem Scil ab aliorum possessionum iuribus separando et distingendo iuxta veteres et antiquas suas metas, et si necesse fuerit, nouis metis iuxta veteres metas eiusdem possessionis Scil erigendo, si non fuerit contradictum; contradictores vero si qui fuerint, citet eosdem in nostram presenciam ad terminum competentem, et post hec seriem ipsius metarum reambulacionis et ereccionis, ac nomina citatorum cum termino assignato nobis fideliter rescribatis. Datum Bude octauo die festi Beati Georgij martiris anno Domini MşCCşLş sexto (helyesebben 1276:)

(A székes-fehérvári káptalannak ugyanazon évi jelentéséből, mint alább 107. sz. a.)